U niadzielu 11 krasavika śviataja imša ŭ 8.15 z archikafiedralnaha kaścioła Najśviaciejšaha Imia Maryi ŭ Minsku moža trapić u efir biełaruskaha radyjo. Jak paviedamiŭ u razmovie z Catholic.by probašč archikafiedry ksiondz kanonik Antoni Klimantovič, Apostalski administratar Minska-Mahiloŭskaj archidyjacezii sede vacante biskup Kazimir Vielikasielec ad imia šmatlikich biełaruskich parafij skiravaŭ list u Biełteleradyjokampaniju i Minharvykankam z prośbaj adnavić niadzielnuju tranślacyju ranišniaj śviatoj Imšy.
Ksiondz Antoni Klimantovič adznačyŭ, što aficyjnaha paćviardžeńnia ab adnaŭleńni radyjotranślacyj jon asabista nie atrymaŭ, adnak byŭ painfarmavany supracoŭnikami Biełteleradyjokampanii, što 11 krasavika parafijalnaja śviataja imša a 8.15 trapić u žyvy radyjoefir.
Probašč archikafiedry maje nadzieju, što tranślacyja śviatoj Imšy adbudziecca, pryčym nie tolki 11 krasavika, ale vierniecca ŭ štoniadzielnuju prahramu Biełteleradyjokampanii.
Infarmacyja budzie ŭdakładniacca.
Tranślacyja niadzielnych śviatych imšaŭ u 8.15 ź minskaj kafiedry adbyvałasia bieśpierapynna z 2000 hoda pa žnivień 2020 hoda. U adnu sa žnivieńskich niadziel minułaha hoda biez tłumačeńniaŭ z boku Biełteleradyjokampanii spyniłasia ŭklučeńnie nabaženstvaŭ u žyvym efiry. Nahadajem, što da kafiedry na praciahu niekalkich hadoŭ radyjotranślacyi niadzielnych imšaŭ vialisia z kaścioła śviatoha Symona i śviatoj Aleny ŭ Minsku (Čyrvony kaścioł).
