U sudzie Bresckaha rajona vyniesienyja prysudy šaściarym chłopcam, jakich pryznali vinavatymi pavodle č.2 art. 339 Kryminalnaha kodeksa, paviedamlajuć pravaabaroncy.
Padstavaj dla zatrymańnia stała naniasieńnie nadpisaŭ nakštałt «3%» na pomnik Leninu ŭ pasiołku Damačavie (Brescki r-n). Pavodle viersii śledstva, nadpisy nanieśli šeść čałaviek. Spačatku spravavodstva ŭ dačynieńni da adnaho z abvinavačanych vynieśli ŭ asobnuju spravu — chutčej za ŭsio, z pryčyny taho, što toj pastajanna pražyvaje nie ŭ Biełarusi. Ale na sudzie 23 sakavika było vyrašana hetyja spravy abjadnać, a 6-ha abvinavačanaha vyklikać na sud.
«Biełsat» paviedamlaje, što vośmaha krasavika sudździa Siarhiej Maručak prysudziŭ:
- Jarasłavu Buraku — 3 miesiacy aryštu. Zaraz jon prachodzić słužbu ŭ vojsku — praciahnie jaje paśla taho, jak adbudzie pakarańnie na haŭptvachcie ŭ Minsku. Hety termin nie pojdzie ŭ termin słužby.
- Dźmitryju Charsu — 1 miesiac aryštu.
- Kiryłu Biekišu i Dzianisu Čarnyhinu — 2,5 hady «chatniaj chimii».
- Alaksandru Nikicinu i Uładzisłavu Ciarešku — 1,5 hoda «chatniaj chimii».
Usim chłopcam — 17-19 hadoŭ. U žniŭni ŭ pasiołku Damačava jany raśpisali pomnik Leninu, pakinuli na im nadpisy «3%», «Uchodi», «Žyvie Biełaruś!». Usich vinavacili ŭ chulihanstvie.
