Za ściah na aknie ŭ Kałodziščach na 15 sutak asudzili 72-hadovuju žančynu, a jaje niaviestku aštrafavali na 870 rubloŭ, paviedamlajuć pravaabaroncy.
Siońnia ŭ sudzie Minskaha rajona razhladali spravu 72-hadovaha vieterana pracy Łarysy Sysojevaj.
Pa materyjałach spravy, pry abjeździe rajona načalnik Baraŭlanskaha RAUSa 7 krasavika ŭ aknie pryvatnaha doma ŭ Kałodziščach zaŭvažyŭ BČB-ściah. Jon vyklikaŭ miascovaha ŭčastkovaha. Jany zrabili fota ściaha na aknie, a potym zatrymali žančynu i jaje niaviestku Volhu, jakaja žyvie ŭ domie nasuprać, dzie taksama visieŭ ściah. Na žančyn skłali pratakoły za niesankcyjanavanyja pikietavańni.
Niaviestku vyzvali ŭviečary, bo ŭ jaje niepaŭnaletnija dzieci, a 72-hadovuju Łarysu źmiaścili da suda ŭ IČU Minskaha rajona.
