Pahoniu na ścianie namalavali jašče ŭ kastryčniku minułaha hoda, ale sioleta ŭ sakaviku jana stała masavym mierapryjemstvam, paviedamlajuć pravaabaroncy.
Spravu ŭ Sudzie Kalinkavickaha rajona razhladała sudździa Śviatłana Sarnaŭskaja. Jana doŭha sprabavała damahčysia ad Śviatłany Ramancavaj, čamu jana vyrašyła namalavać na ścianie svajho doma hety malunak. Ramancava adkazvała, što vyrašyła prosta abnavić staruju ścianu i raźmiaścić na joj niešta pryhožaje. A Pahonia — heta nacyjanalny simvał, jon uniesieny ŭ aficyjny śpis historyka-kulturnych kaštoŭnaściaŭ Biełarusi. Sarnaŭskaja damahałasia, kab Śviatłana patłumačyła, čamu mienavita takuju vyjavu jana namalavała.
Sarnaŭskia pryznała Ramancavu vinavataj u pravaparušeńni pavodle č. 1 art. 24.23 KaAP i pryznačyła pakarać jaje štrafam pamieram 10 bazavych vieličyń. Ciapier heta 290 rubloŭ.
