PA Media
«Z hłybokim smutkam Jaje Vialikaść Karaleva abviaściła pra śmierć svajho lubimaha muža, prynca Filipa, hiercaha Edynburhskaha. Jaho karaleŭskaja vysokaść mirna pamior hetym rankam u Vindzarskim zamku», — havorycca ŭ tvitery Bukinhiemskaha pałaca.
10 červienia jamu b spoŭniłasia 100 hadoŭ. Apošnija miesiacy Filip časta chvareŭ i byŭ u špitali.
Prync Filip byŭ unukam karala Hrecyi Hieorha I i małodšym bratam karala Kanstancina I. Z naradžeńnia nasiŭ tytuł prynca hrečaskaha i dackaha. Baćka naležaŭ da dackaha doma Hluksburhaŭ, a maci prychodziłasia plamieńnicaj apošniaj rasijskaj impieratrycy Alaksandry Fiodaraŭny i trajuradnaj siastroj Mikałaju II.
Byŭ udzielnikam II Suśvietnaj vajny, byŭ marskim aficeram u składzie brytanskaj armii.
Z budučaj karalevaj Brytanii Lizavietaj II Filip ažaniŭsia ŭ 1947 hodzie, jany pražyli ŭ šlubie 73 hady. Mienavita pierad zaklučeńniem šlubu Filip i ŭziaŭ anhlizavanuju viersiju proźvišča maci — Maŭntbeten — i pierajšoŭ z pravasłaŭja ŭ anhlikanstva, admoviŭšysia ad tytułaŭ «prync hrečaski» i «prync dacki». U jaho byŭ tytuł hiercah Edynburhski, hraf Mieryjaniecki i baron Hrynvicki.
U Lizaviety II i Filipa — čaćviora dziaciej: pryncy Čarłz, Hanna, Edvard i Endru.
