Zhodna z dakumientam, uładalnikam bazy, jakaja źjaŭlajecca častkaj aŭtamatyzavanaj infarmacyjnaj sistemy ŭliku dachodaŭ fizičnych asob, budzie Ministerstva padatkaŭ i zboraŭ. Pastaŭlać źviestki ŭ bazu buduć Minpracy, Minfin, Dziaržkamitet pa majomaści, «Biełdziaržstrach» i inšyja.
U bazu ab dachodach buduć paviedamlać, u pryvatnaści, ab piensijach, stypiendyi, dapamohach biespracoŭnym i pa ciažarnaści, roznych sacyjalnych vypłatach, dachodach ad prodažu nieruchomaści, vypłatach pa strachoŭkach (naprykład, pa abaviazkovaj aŭtastrachoŭcy), hrašovych pieravodach z-za miažy.
Taksama ŭ jaje patrapiać źviestki ab dachodach zamiežnikaŭ, jakija jany atrymlivajuć u Biełarusi ad zamiežnych dziaržaŭ; dachody, u dačynieńni da jakich fizičnaj asobie dali standartnyja padatkovyja vyliki pry adsutnaści ŭ jaho miesca asnoŭnaj pracy, i inšaje.