U MUS prakamientavali paviedamleńni pra paharšeńnie ŭmovaŭ u izalatarach časovaha ŭtrymańnia Minska i Žodzina. U pryvatnaści, raniej paviedamlałasia ab prablemach sa zdaroŭjem u viaźniaŭ z-za chłorki.
Čytajcie taksama: «U adnamiesnym karcary tak i siadzieli: ja i šaściora bamžoŭ». Lidar AHP pra 15 sutak na Akreścina
«U vyšejnazvanych ustanovach praviali pravierki. Pretenzii akazalisia čarhovym masavym ukidam. Paćviardžeńniem tamu apytańnie sukamiernikaŭ tych, chto skardziŭsia na «katavańni» chłorkaj. Jašče adzin dakładny fakt — ni ŭ kaho z pastajalcaŭ apiokaŭ vačej, prablem z dychańniem abo inšych simptomaŭ atručvańnia hetym rečyvam niama. Roŭna jak nie zafiksavana i faktaŭ zvarotu pa miedycynskuju dapamohu pa takich padstavach», — paviedamlaje viedamstva.
Dla niedapuščeńnia raspaŭsiudžvańnia COVID-19 pry prafiłaktycy ŭsie pamiaškańni ŭstanoŭ rehularna apracoŭvajucca dezsrodkami na asnovie chłorki, raźviedzienaj u nieabchodnaj praporcyi. U hety čas ludziej vyvodziać z kamier.
«Kab prybrać niepryjemnyja pachi, dastatkova ŭstać z łožka, uziać adpaviedny invientar i navieści paradak», — rastłumačyli ŭ MUS.
