TASS
«My možam z upeŭnienaściu kanstatavać adno. Što ŭ tych ci inšych formach abmiežavańni ŭ dačynieńni da Rasii vykarystoŭvajucca cełym šeraham dziaržaŭ, jakija pieraśledujuć metu takoha niezakonnaha z hledzišča mižnarodnaha prava strymlivańnia Rasii, — skazaŭ u aŭtorak žurnalistam pradstaŭnik Kramla. — Hetyja abmiežavańni vyjaŭlajucca ŭ samych roznych formach. Heta dosyć niepradkazalny praces, tamu ŭ ramkach hetaha pracesu, uličvajučy padobnuju niedružalubnuju, a časam navat varožuju formu pavodzin u adnosinach da nas, vyklučać nielha ničoha».
Pa słovach Piaskova, lepšym sposabam zaściarohi ad usich ryzyk źjaŭlajecca stvareńnie sistem, jakija mohuć kampiensavać adsutnaść toj ci inšaj pasłuhi i tych ci inšych farmataŭ supravadžeńnia finansavaj dziejnaści.
«Heta značyć sistem pa ŭmacavańni suvierenitetu va ŭsich halinach ekanomiki, bankaŭskaj spravy i hetak dalej, i da taho padobnaje, — dadaŭ jon. — Hety praces adbyvajecca, vy viedajecie, što voś, kali pajšli spačatku razmovy ab Visa i MasterCard, pastupova, pastupova, nie biez prablem, ale pačała stvaracca nacyjanalnaja płaciežnaja sistema «Mir».
