«Paśla praviadzieńnia nieadkładnych śledčych dziejańniaŭ i apieratyŭna-vyšukovych mierapryjemstvaŭ budzie pradastaŭlena poŭnaja infarmacyja pa situacyi», — adznačajecca ŭ paviedamleńni.
Nahadajem, što zatrymańnie staršyni Partyi BNF Ryhora Kastusiova stała viadoma ŭčora.
Taksama ŭ paniadziełak stała viadoma, što źnikła suviaź z palitołaham i litaraturaznaŭcam Alaksandram Fiadutam. Jon byŭ u Maskvie i pierastaŭ vychodzić na suviaź z žonkaj.
U Maskvie źnik palitołah Alaksandr Fiaduta
Staršynia Partyi BNF Ryhor Kastusioŭ zatrymany pa kryminalnaj spravie i znachodzicca ŭ SIZA KDB
Paźniej žonka Fiaduty Maryna Šybko raskazała Tut.by, što paśla źniknieńnia muža vyjechała ŭ Maskvu i siońnia padała zajavu ŭ rasijskija pravaachoŭnyja orhany ab jaho źniknieńni.
«Ja znachodžusia ŭ ciapierašni momant u Maskvie. Siońnia ja tut padała zajavu ab źniknieńni svajho muža. Kali ja paźniej daviedałasia, što muž zatrymany KDB, to źviazałasia z maskoŭskimi śledčymi. Jany nie zmahli mnie skazać, dzie znachodzicca Alaksandr Iosifavič — na terytoryi Rasii ci na terytoryi Biełarusi — i jakim čynam jon apynuŭsia ŭ KDB. Tolki paviedamili, što buduć pa hetym pytańni źviazvacca z Hienprakuraturaj RF», — raspaviała Šybko.
Jana taksama nie viedaje, jak, kali, kim, na jakich padstavach i pry jakich abstavinach byŭ zatrymany jaje muž.
