Takoje rašeńnie, havorycca ŭ sumiesnaj zajavie nahladnych viedamstvaŭ, jakoje cytuje Reuters, było pryniata paśla taho, jak u šaści čałaviek paśla pryščepki ŭtvarylisia tromby. Havorka idzie pra šeść žančyn va ŭzroście ad 18 da 48 hadoŭ. Adna ź ich pamierła, jašče adna znachodzicca ŭ balnicy ŭ krytyčnym stanie.
Vyjaŭlenyja vypadki ŭtvareńnia trombaŭ u pacyjentaŭ, jakija zrabili pryščepku vakcynaj Johnson & Johnson, vielmi redkija, padkreślivajecca ŭ zajavie. Tym nie mienš, rehulatary ličać, što da zaviaršeńnia rasśledavańnia ad prymianieńnia hetaj vakcyny varta ŭstrymacca.
U ZŠA prymianieńnie vakcyny Johnson & Johnson było adobrana ŭ lutym, u Jeŭrasajuzie — u sakaviku.
Pa stanie na 12 krasavika Johnson & Johnson pastaviŭ u ZŠA 6,8 miljonaŭ doz pryščepki.
