fota pixabay.com, maje ilustracyjny charaktar.
Uviečary 12 krasavika ŭ niebie nad Fłarydaj nazirali vialiki mieteor nieviadomaha pachodžańnia. Vybuch i vohnienny śled zafiksavali šmatlikija kamiery videanazirańnia, sam mieteor byŭ bačny dla astranomaŭ ad Bahamaŭ da Fłarydy. Abjekt trapiŭ na kamiery televizijonščykaŭ z horada Uest-Pałm-Bič, a žychary vostrava Vialiki Bahama zapisali zvyšhukavy voplesk ad vybuchu.
Niezrazumieła, adkul uziaŭsia hety mieteor. Niekatoryja ekśpierty ličać, što heta byŭ kavałak asteroida 2021GW4, upieršyniu zafiksavanaha astranomami za 4 dni da zdareńnia. Navukoŭcy bajalisia, što abjekt projdzie ŭ paniadziełak niebiaśpiečna blizka da šerahu štučnych spadarožnikaŭ Ziamli, pieradaje Guardian.
U minułym miesiacy amierykancy, ŭ toj raz žychary Sietła, taksama byli śviedkami vohniennaha šou ŭ niebie. Ale akazałasia, što toj «zorny doždž» składaŭsia z reštkaŭ rakiety Falcon 9 kampanii SpaceX, zapuščanaj raniej u toj ža dzień z Kaśmičnaha centra imia Kienedzi ŭ Fłarydzie. 12 krasavika ŭ ZŠA nie adbyvałasia nijakich kaśmičnych zapuskaŭ, tamu abjekt, što trapiŭ na kamiery naziralnikaŭ, amal dakładna mieŭ pazaziemnaje pachodžańnie.
