Fota pixabay.com
U apošni tydzień na terytoryi Šviecyi była zafiksavanaja najvialikšaja kolkaść vypadkaŭ kavidu na miljon ludziej. Hetaja ličba — 625 zaražeńniaŭ — u šmat razoŭ bolšaja za adpaviednyja ličby ŭ susiednich krainach. Naprykład, Finlandyja maje za minuły tydzień 65 novych vypadkaŭ kavidu na miljon čałaviek, a Danija — 111.
Da taho ž, u reanimacyjach šviedskich špitaloŭ ciapier znachodzicca najvialikšaja kolkaść ludziej z časoŭ pieršaj chvali pandemii. Adnak, niahledziačy na takoje ciažkaje stanovišča, kraina ŭsio roŭna nie atrymała rezkaha rostu kolkaści pamierłych ad kavidu. Miascovyja čynoŭniki źviazvajuć heta z tym, što šmat pradstaŭnikoŭ najbolš uraźlivych słajoŭ nasielnictva, u pryvatnaści žychary internataŭ dla sastarełych, užo prajšli vakcynacyju, piša Guardian.
Šviecyja ŭsio ž uviała ŭ suviazi z pandemijaj niekatoryja miery. Naprykład, u krainie abmiežavanaja kolkaść naviedvalnikaŭ mahazinaŭ z tavarami nie pieršaj nieabchodnaści, ale pra zakryćcio takich mahazinaŭ havorka nie idzie. Bary i restarany taksama praciahvajuć pracu, ale čas pracy i prodaž ałkaholu ŭ ich žorstka abmiežavanyja. Uzmacniajucca abmiežavańni i na hramadskija schody, ale šviedskija škoły ŭ asnoŭnym praciahvajuć prymać vučniaŭ. Pieravyšeńnie kolkaści naviedvalnikaŭ parkaŭ atrakcyjonaŭ, kancertaŭ i futbolnych hulniaŭ taksama zabaronienaje.
Ministr achovy zdaroŭja krainy Lena Chalenhren na minułym tydni zajaviła, što dziaržava imkniecca stavić žyćcio i zdaroŭje ludziej na pieršaje miesca i maksimalna abaranić sistemu achovy zdaroŭja. Ale, jak kaža Chalenhren, šviedski ŭrad taksama choča dziejničać tak, kab nie zanadta ŭmiešvacca ŭ asabistaje žyćcio ludziej.
