Jon nahadaŭ, što stratehija abychodžańnia z radyjeaktyŭnymi adkidami Biełaruskaj AES praduhledžvaje časovaje zachoŭvańnie nizka- i siarednieaktyŭnych adchodaŭ na samoj placoŭcy atamnaj elektrastancyi na praciahu 10 hadoŭ. Adpracavanyja ciepłavydzialalnyja zborki buduć adpraŭlacca ŭ śpiecyjalny basiejn vytrymki na dziesiać hadoŭ. U dalejšym paliva nakirujuć u Rasiju dla pierapracoŭki. Ale i paśla hetaha zastanucca radyjeaktyŭnyja adkidy, jakija padlahajuć doŭhamu zachavańniu. U adpaviednaści z zakanadaŭstvam, jany viernucca nazad u našu krainu. Da taho času dla ich i pabudujuć schovišča. Jaho pieršaja čarha pavinna być hatova da 2031 hoda.
Jak paviedamiŭ načalnik adździeła nahladu za biaśpiekaj abychodžańnia z radyjeaktyŭnymi adkidami i adpracavanymi jadziernymi materyjałami Dziaržatamnahladu Mikałaj Michajłaŭ, za 60 hadoŭ prajektnaha terminu ekspłuatacyi Biełaruskaj AES budzie ŭtvorana kala 9 tys. kubamietraŭ nizka- i siarednieaktyŭnych, a taksama prykładna 60 kubamietraŭ vysokaaktyŭnych adkidaŭ.
— Ciapier idzie vybar placoŭki pad budaŭnictva abjekta. Jak tolki stanie viadomaja prykładnaja łakacyja schovišča, projduć hramadskija abmierkavańni, — adznačyła načalnik upraŭleńnia rehulavańnia radyjacyjnaj biaśpieki Dziaržatamnahladu Viktoryja Antonava.
