Juraś Ziankovič, fota Siarhieja Hudzilina

Juraś Ziankovič, fota Siarhieja Hudzilina

Dypłamaty nie stali adkazvać na kankretnyja pytańni ab tym, jak pasolstva aceńvaje zatrymańnie hramadzianina ZŠA biełaruskimi śpiecsłužbami i ci naviedaŭ užo Ziankoviča ŭ SIZA KDB konsuł. U pasolstvie tolki padkreślili, što zaŭsiody hatovyja dać konsulskija pasłuhi ŭ vypadku zatrymańnia amierykanskaha hramadzianina.

— My bačyli paviedamleńni ŭ ŚMI ab źmiaščeńni hramadzianina ZŠA pad vartu ŭ Minsku. U kožnym vypadku aryštu abo zatrymańnia hramadzianina ZŠA za miažoj my hatovyja dać usie nieabchodnyja konsulskija pasłuhi. Adnoj z najvažniejšych zadač Dziaržaŭnaha departamienta, pasolstvaŭ i konsulstvaŭ ZŠA źjaŭlajecca akazańnie dapamohi hramadzianam ZŠA, jakija znachodziacca ŭ źniavoleńni abo zatrymanyja za miažoj. Zhodna ź isnaj praktykaj my nie pieradajom infarmacyju ab hramadzianach ZŠA bieź ich piśmovaj zhody, — skazaŭ Tut.by pres-ataše pasolstva ZŠA ŭ Biełarusi Cim O'Konar.

Pra zatrymańnie jurysta Jurasia Ziankoviča ŭ Maskvie stała viadoma 13 krasavika. Pa słovach jaho žonki, jaho litaralna vykrali z rasijskaha hatela. U hety ž dzień u KDB paviedamili pra zatrymańnie Ryhora Kastusiova i Alaksandra Fiaduty pa «niepasredna ŭźnikłym padazreńni ŭ ździajśnieńni złačynstva». Alaksandr Fiaduta, jak i Ziankovič, byŭ zatrymany ŭ Maskvie.

U advakata Jurasia Ziankoviča dva hramadzianstvy — biełaruskaje i amierykanskaje. Na radzimie Ziankovič byŭ aktyvistam apazicyi, siabram Partyi BNF. U ZŠA źjechaŭ u siaredzinie 2000-ch, tam pačaŭ budavać jurydyčnuju karjeru.

Žonka jurysta Alena Dzienisaviec paviedamiła ŚMI, što, pa infarmacyi advakata, Ziankovič znachodzicca ŭ statusie padazravanaha, ale kankretnaha artykuła jon nie nazvaŭ.

«Skazaŭ, što detalaŭ paviedamić nie moža. Ale ŭ Maskvie, kali jaho zatrymlivali, skazali supracoŭnikam, što jon padazrajecca ŭ teraryźmie», — raspaviała Dzienisaviec.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?