Pratesnaja aktyŭnaść u Bieraści, archiŭnaje fota Uładzia Hrydzina, Radyjo Svaboda

Pratesnaja aktyŭnaść u Bieraści, archiŭnaje fota Uładzia Hrydzina, Radyjo Svaboda

Raniej u jaho ramkach asudzili 18 čałaviek — fihuranty atrymali ad 1 hodu «chatniaj chimii» da 1 hodu i 8 miesiacaŭ kalonii. Hetym raz sudziać jašče 14 čałaviek. Adzin znachodzicca ŭ SIZA № 7 Bieraścia, astatnija — pad padpiskaj ab niavyjeździe. Praces viadzie Ina Kłyšpač, piša Radyjo Svaboda.

U sudovuju zalu nie puścili žurnalistaŭ ahienctva BiełaPAN i «Bresckaj haziety» i jašče bolš za 30 achvotnych. Tady abvinavačanyja zapatrabavali dapuścić pradstaŭnikoŭ niezaležnych medyjaŭ i bolšuju častku ludziej, zajavili advod sudu i admovilisia sieści da vykanańnia hetych patrabavańniaŭ.

U vyniku častka tych, chto pryjšoŭ na sud, a taksama karespandenty BiełaPAN Aleś Laŭčuk i Miłana Charytonava zmahli prajści ŭ zalu, ale ŭ advodzie sudu było admoŭlena. Pradstaŭniki «Bresckaj haziety» syjšli, nie dačakaŭšysia rašeńnia.

Akcyja, u suviazi ź jakoj sudziać bieraściejcaŭ, prajšła 13 vieraśnia 2020 hodu ŭ abłasnym centry. U toj dzień pratestoŭcy vadzili karahody na skryžavańni praspekta Mašerava i bulvaraŭ Kasmanaŭtaŭ i Šaŭčenki.

Udzielniki abvinavačvajucca ŭ arhanizacyi i padrychtoŭcy dziejańniaŭ, što hruba parušajuć hramadzki paradak, albo aktyŭnym udziele ŭ ich pavodle art. 342 Kryminalnaha kodeksu.

Usiaho pa spravie prachodzić bolš za 70 čałaviek.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?