Hramadzianie Kot-dJIvuara Anž Mahłuar Aciuali i Patrys Uej, a taksama hramadzianin Biełarusi Juryj Suškin byli pryznanyja vinavatymi ŭ praviadzieńni rejdu kala ivuaryjskaha horada Buakie 6 listapada 2004 hoda. Tady dva źniščalniki-bambavika armii prezidenta Kot-dJIvuara Łarana Hbahbo kinuli bomby na bazu francuzskich vajskoŭcaŭ. U vyniku zahinuli dzieviać francuzskich vajskoŭcaŭ i hramadzianin ZŠA, supracoŭnik humanitarnaj misii. Jašče 38 vajskoŭcaŭ byli paranienyja.
Prezident Łaran Hbahbo patłumačyŭ bambavańnie bazy pamyłkaj. Udaram u adkaz Francyja źniščyli amal usie vajskova-pavietranyja siły Kot-dJIvuar: dva šturmaviki Su-25 i piać bajavych viertalotaŭ.
Hramadzianskimi pazoŭnikami na pracesie ŭ Paryžy, jaki pačaŭsia 29 sakavika, vystupili kala saraka čałaviek, svajaki zahinułych francuzskich vajskoŭcaŭ, a taksama tyja, chto atrymaŭ ranieńni ŭ bambardziroŭcy.
Sud byŭ zavočnym, bo trom abvinavačanym udałosia źbiehčy. Jak paviedamlaje France 24, na nastupny dzień paśla avijaŭdaru francuzskija vojski ŭ Abidžanie zatrymali 15 najmitaŭ z Rasii, Biełarusi i Ukrainy, a praz čatyry dni vyzvalili ich. Pa viersii śledstva, francuzskim dypłamatam, sałdatam i vyviedcy było dadziena ŭkazańnie «nie ŭmiešvacca» ŭ hetuju spravu.
Suškina i jašče siemiarych biełaruskich najmitaŭ praź niekalki dzion zatrymali znoŭ i znoŭ adpuścili.
Siońnia paryžski sud pryznaŭ Suškina i dvuch ivuaryjskich aficeraŭ vinavatymi ŭ zabojstvie ludziej i prysudziŭ da pažyćciovaha źniavoleńnia. Jak prysud pryviaduć u vykanańnie — nieviadoma, miescaznachodžańnie asudžanych u ciapierašni čas nie vyśvietlena.
