Pres-sakratar Pentahonu Džon Kirbi pakul nie raskazaŭ detalaŭ, ale zajaviŭ, što vajskoŭcam, jakija ciapier znachodziacca ŭ Aŭhanistanie, moža spatrebicca dapamoha dla zaviaršeńnia vyvadu.
Dapamoha, na jaho dumku, moža spatrebicca ŭ lahistycy, inžynernaj spravie, mahčyma, siłavoj abaronie, kab zrabić vyvad efektyŭnym i biaśpiečnym.
14 krasavika prezydent Złučanych Štataŭ Džo Bajden zajaviŭ pra plany vyvieści ŭsie amerykanskija vojski da 11 vieraśnia — 20-j hadaviny napadaŭ na amerykanskija harady, jakija vyklikali ŭmiašańnie ZŠA i NATA ŭ Aŭhanistan. Razam z tym u amerykanskaj administracyi paabiacali dać talibam «rašučy adkaz» u vypadku praciahu ahresii suprać amerykanskich vajskoŭcaŭ.
Amerykanskija siły pieršapačatkova źbiralisia vyvieści da 1 traŭnia, adnak Bajden zajaviŭ, što patrabujecca bolš praciahły termin na vyviadzieńnie vojskaŭ. Taksama pra vyvad kantynhientu ciaham niekalkich miesiacaŭ zajaviŭ staršynia NATO Jens Stołtenberh.
U 2011 hodzie kolkaść vojskaŭ ZŠA ŭ Aŭhanistanie pieravyšała 100 tysiač čałaviek, z taho času jana istotna źmienšyłasia i ciapier składaje kala 2,5 tysiač. Ahulnaja kolkaść pradstaŭnikoŭ vajskovaha kantynhientu krain NATO — mienš za 10 tysiač.
