Ivan da zatrymańnia zajmaŭsia ramontam aŭtamabilaŭ. Maje troch maleńkich dziaciej. Aktyŭna ŭdzielničaŭ u pošukach źnikłych ludziej z PVA «Anioł». Zatrymany ŭ kastryčniku za ŭdzieł u pratestach u siabie doma — na vačach dziaciej, žonki i svajoj maci.

Pavieł Sieviaryniec — lidar chryścijanskich demakrataŭ, adzin z zasnavalnikaŭ «Maładoha frontu». Zatrymany paśla pikieta pa zbory podpisaŭ na Kamaroŭskim rynku 7 červienia. U karcary sprabavaŭ parezać ruku na znak pratestu suprać katavańniaŭ.

Aktyvista «Dziei» Kima Samusienku zatrymali 3 listapada. Śledčy kamitet zajaviŭ, što jon byŭ aktyŭnym udzielnikam pratestaŭ i datyčny da ŭzłomu kampjutarnaj sistemy Minharvykankama. Praz dva dni zatrymali i jaho brata Alaksieja — ekanamista ŭ kampanii, jakaja zajmajecca vyrabami z płastyku.
Žonki i dzieci bratoŭ-palitviaźniaŭ ciapier za miažoj.

Maryja Kaleśnikava — kaardynatarka štaba Viktara Babaryki, a paśla najbližejšaja paplečnica Śviatłany Cichanoŭskaj. 7 vieraśnia nieviadomyja sprabavali vyvieźci Maryju va Ukrainu. Na miažy jana razarvała svoj pašpart i była aryštavanaja.

Natalla 12 hadoŭ žyła ŭ Šviejcaryi i maje hramadzianstva hetaj krainy, ale časta naviedvała svajakoŭ u Biełarusi. Była zatrymanaja 19 vieraśnia na žanočym maršy. U źniavoleńni trymała haładoŭku, kali joj nie pieradavali listy.

Taćciana — homielskaja aktyvistka «Matčynaha ruchu 328», była davieranaj asobaj Śviatłany Cichanoŭskaj. Taćcianu aryštavali za niekalki dzion da vybaraŭ, jaje syna Źmitra — 28 studzienia 2021 hoda. Jamu inkryminujuć raspalvańnie rasavaj, nacyjanalnaj, relihijnaj ci inšaj sacyjalnaj varožaści. Pakul nie pryznany palitviaźniem.

44-hadovaha bodzibiłdara aryštavali za toje, što jon udaryŭ pa videakamiery čałavieka ŭ cyvilnym, kali toj zdymaŭ dvarovy kancert. Pry zatrymańni mužčynu mocna źbili i dastavili ŭ balnicu z čerapna-mazhavoj traŭmaj.

Ściapan — žychar płoščy Pieramien. Jaho zatrymali za prośbu pradstavicca nieviadomym u maskach, jakija źniščali vyjavu dydžejaŭ. Śledčyja zajavili, što Ściapan uvoziŭ u Biełaruś niebiaśpiečnyja chimikaty, jakimi chacieŭ atrucić milicyjantaŭ.
Ciapier Ściapanu dapamahajuć susiedzi i kalehi.

22-hadovaja Maryja — studentka Biełaruskaj dziaržaŭnaj akademii mastactvaŭ. Zatrymanaja pa «spravie studentaŭ» 12 listapada 2020 hoda.

Alaksiej — raspracoŭščyk startapa MakeM. Upieršyniu chłopca zatrymali ŭ lipieni ŭ čarzie la budynka KDB, kali jon razam ź inšymi sprabavaŭ padać chadajnictva ab źmienie miery strymańnia Viktaru Babaryku. 27 žniŭnia Alaksieja zatrymali na płoščy Niezaležnaści za ŭdzieł u mirnym schodzie kala kaścioła. Pa vyzvaleńni z Žodzina jaho aryštavali.

Dziaŭčat asudzili na 2 i 2,5 hoda kałonii za padziei 10 žniŭnia na praśpiekcie Pieramožcaŭ: adna ź siaścior schapiła za łokać amapaŭca, a druhaja — za ruku. Treciaja siastra Alaksandra źjechała ad palityčnaha pieraśledu ŭ Braziliju. Na plačy ŭ maci saroka, pryručanaja Viktoryjaj.