Fota pixabay.com
U aŭtorak Stył vystupiŭ na telešou, dzie raspavioŭ pra siem zvyčak, što pavinny dapamahčy ŭ zmahańni z stareńniem. Voś što raić navukoviec.
Budźcie aktyŭnymi, ale bieź pieraboru
Stył rekamienduje zmahacca ź siadziačym ładam žyćcia i sprabavać kožnuju hadzinu aktyŭna ruchacca chacia b na praciahu piaci chvilin. Ludzi, jakija ŭvohule nie zajmajucca sportam, atrymajuć vialikuju karyść navat ad 10 chvilin prahułki na dzień. Ale, kali kazać pra bolš aktyŭnyja i napružanyja zaniatki sportam, ich kolkaść nie zaŭsiody pierachodzić u karyść dla zdaroŭja. U hetym sensie lepiej za ŭsio spynicca na 30 chvilinach treniroŭki na dzień — bolš doŭhija treniroŭki nie pryniasuć vialikaj karyści i navat mohuć trochi naškodzić vam, piša Daily Mail.
Śpicie stolki, kolki treba
Zhodna sa źviestkami Nacyjanalnaha fondu snu (ZŠA), zdarovym darosłym treba 7-9 hadzin snu, dla dziaciej hetaja ličba moža być bolšaj. Jak zanadta małaja, tak i zanadta vialikaja kolkaść snu moža drenna ŭpłyvać na zdaroŭje.
Admoŭciesia ad charčovych dadatkaŭ i vitaminaŭ
Jak śćviardžaje Endru Stył, niama sensu ŭžyvać vitaminy i inšyja charčovyja dadatki biez rekamiendacyi doktara. Ludzi atrymlivajuć usie nieabchodnyja vitaminy, kali prytrymlivajucca zbałansavanaha charčavańnia i pravodziać čas na soncy. U svaju čarhu, užyvańnie charčovych dadatkaŭ nie padaŭžaje praciahłaść čałaviečaha žyćcia abo navat trochi jaje skaračaje.
Vyklučeńnie składaje vitamin D u zimovy pieryjad u paŭnočnych rehijonach, folijevaja kisłata padčas ciažarnaści i t.p. vypadki.
Ježcie bolš raślinnaj ježy i mienš miasa
Navukoŭcy ličać, što dyjeta ź vialikaj kolkaściu raślinnaj ježy i panižanaj kolkaściu ježy žyviolnaha pachodžańnia moža źnizić ryzyku sardečna-sasudzistych chvarob i ŭzrovień śmiarotnaści ad ich. Zvyčajna harodnina taksama źmiaščaje mienš kałoryj, čym inšyja pradukty, tamu takaja ježa moža dapamahčy padtrymlivać siabie ŭ formie.
U staraści sačycie za kryvianym ciskam i pulsam
Stył padtrymlivaje ideju chatniaha kantrolu kryvianoha cisku praź isnavańnie tak zvanaha «efiektu biełaha chałata». Heta źjava, kali padčas vymiareńnia ŭ prysutnaści doktara vašy pakazčyki — naprykład, cisk i puls — atrymlivajucca bolš vysokimi, čym u inšych umovach.
Bieražycie zuby
Jak piša Stył u svajoj knizie, zdaroŭje zuboŭ važnaje navat dla prafiłaktyki chvaroby serca i demiencyi. Navukoŭcy pakul nie zrazumieli, jak heta pracuje, ale sprava moža być u chraničnym zapaleńni, pryčynaj jakoha mohuć być bakteryi ŭ rotavaj połaści.
Budźcie aściarožnyja ź intervalnym haładańniem i dyjetami
Niama dakładnych danych, što hetyja charčovyja zvyčki mohuć padoŭžyć praciahłaść čałaviečaha žyćcia tym ža čynam, jak heta pracuje ź inšymi žyvymi arhanizmami. U dadatak, Stył śćviardžaje, što abmiežavańnie charčavańnia pa časie nie dapamahaje źnizić vahu cieła.
