TURNIRNAJA TABLICA
Pa-pieršaje, u lizie vyznačyŭsia adnaasobny lidar. Lohki kalandar dazvoliŭ «Šachcioru» katkom prajścisia pa supiernikach, nidzie nie spatyknuŭšysia: amal 3 zabityja miačy ŭ siarednim i tolki 2 prapuščanyja. Paśla piaci matčaŭ užo sfarmavałasia pieravaha ŭ 4 bały: nie tak šmat, kab rassłabicca, ale niamała dla nievialikaj kolkaści matčaŭ.
Fota: FK «Šachcior».
Pa-druhoje, bresckaje «Dynama» i «Homiel» naŭrad ci chtości čakaŭ pabačyć siarod lidaraŭ. Ale, praanalizavaŭšy skład i hulni hetych kłubaŭ, taki pośpiech nielha nazvać niezasłužanym. Siarhiej Kavalčuk i Ivan Bijončyk sabrali kłasnyja kamandy, jakija demanstrujuć cikavy futboł i zasłužana adbirajuć bały ŭ favarytaŭ. A bieraściejcy jašče i amal nie prapuskajuć: usiaho 1 miač za 5 turaŭ.
Treciaje. Akramia tych, chto nas pryjemna ździviŭ, jość i kamandy, jakija zasmučvajuć svaich zaŭziataraŭ. Minskaje «Dynama», jakoje ličyli ledź nie hałoŭnym kankurentam «Šachciora», nabrała tolki 8 bałaŭ z 15 i surjozna adstała ad lidara. A chutka maj, pra što pamiataje kožny trenier «bieła-błakitnych».
Leanid Kučuk. Fota: FK «Dynama-Minsk».
Pravalili start siezona «Nioman» i «Słavija». Ihar Kavalevič, padobna, nie zmoh efiektyŭna zamianić letašnich lidaraŭ haradzienskaj kamandy: navički z hučnymi imionami pakul nie apraŭdvajuć čakańniaŭ. A mazyrčukam, pa słovach ich treniera Michaiła Marcinoviča, vielmi nie šancuje. Ale treba terminova niešta mianiać, kab aŭtsajdarstva nie stała chraničnym.
Nižej vyniki papiaredniaha tura. Adznačym razhromy «Isłačy» i «Rucha», čarhovyja kanfuzy «Tarpieda-BiełAZ» i «Niomana», a taksama siensacyjny projhryš minskaha «Dynama» ad «Homiela».
- «Spadarožnik» — «Isłač» 1:5 (68, Chaładzinski — 13, Anufryjeŭ; 35, 78, Jusaŭ; 39, Patocki; 58, Kamaroŭski)
- «Viciebsk» — «Słuck» 0:0
- «Tarpieda-BiełAZ» — «Dynama-Brest» 0:2 (16, Siadźko; 51, Šaściuk)
- «Nioman» — «Minsk» 0:2 (33, Łopies; 61, Bahamolski)
- BATE — «Enierhietyk-BDU» 2:1 (21, 23, Drahun — 30 (p), U. Vasiljeŭ)
- «Šachcior» — «Słavija» 4:1 (44, Kiendyš; 55, 81, Darbo; 90+3, Debełka — 62, Tymaniuk)
- «Dynama-Minsk» — «Homiel» 1:2 (1, Po — 45+1, Homza; 58, Pabudziej)
- «Ruch» — «Smarhoń» — 5:0 (1, 9, 65, Łapcieŭ; 26, Savicki; 83, Sadoŭski)
Što čakaje amataraŭ futboła ŭ šostym tury?
«Smarhoń» — «Spadarožnik»
- 23.04, 18:00. Smarhoń, stadyjon «Junactva»
- Kaeficyjenty: «Smarhoń» (pieramoha) — 2.42; ničyja — 3.38; «Spadarožnik» (pieramoha) — 2.69.
Raniej my nie źviartali ŭvahi na toje, što piać turaŭ «Smarhoń» hulała vyklučna ŭ haściach. Mahčyma, u hetym adna z pryčyn pravalnaha startu kamandy, u skarboncy jakoj usiaho adzin bał i adzin zabity miač.
U «Spadarožnika» situacyja krychu lepšaja, ale rečyčanie niedaloka adarvalisia ad ich byłych kaleh pa pieršaj lizie. Zaruba navičkoŭ «vyški» za vyratavalnyja turnirnyja bały pavinna stać śpiakotnaj.
«Słavija» — «Słuck»
- 23.04, 20:00. Mazyr, stadyjon «Junactva»
- Kaeficyjenty: «Słavija» (pieramoha) — 2.24; ničyja — 3.10; «Słuck» (pieramoha) — 3.20.
My ŭžo zakranuli vyšej temu mazyrskaj kamandy, ale ničoha nie napisali ab słuckaj. U «cukrovych» byŭ vielmi niaprosty start. Ale ŭ piaci turach kamanda Brazieviča prajhrała tolki topam, a ŭ astatnich troch matčach — z «Niomanam», «Tarpieda» i «Viciebskam» — nabirała bały. Tamu 5 z 15 možna ličyć hodnym vynikam.
Słuččaki źjaŭlajucca vielmi niekamfortnym supiernikam dla «Słavii». Tolki letaś im udałosia ŭpieršyniu vyjhrać u «Słucka» ŭ vyšejšaj lizie. Tamu i zaraz zdabyć pieršuju pieramohu ŭ siezonie naŭrad ci budzie prosta.
«Dynama-Brest» — «Viciebsk»
- 24.04, 14:00. ASK «Brescki»
- Kaeficyjenty: «Dynama» (pieramoha) — 1.99; ničyja — 3.20; «Viciebsk» (pieramoha) — 3.75.
Matč kamand z najlepšymi abarončymi linijami ŭ lizie: pa adnym prapuščanym miačy za piać turaŭ. Ale ŭ «Viciebska» jość prablemy ŭ atacy: kamanda i zabivaje vielmi mała. Z dvuma hałami składana raźličvać na vysokija miescy ŭ tablicy.
Małaimavierna, što zaŭziataraŭ čakaje jaskravaja hulnia z mnostvam momantaŭ, ale cikava budzie panazirać, jak kamandy pasprabujuć uzłamać manalitnuju abaronu adna adnoj.
«Enierhietyk-BDU» — «Nioman»
- 24.04, 16:00. Minsk, RCAR-BDU
- Kaeficyjenty: «Enierhietyk» (pieramoha) — 2.71; ničyja — 3.06; «Nioman» (pieramoha) — 2.59.
Paśla pieramohi ŭ pieršym tury «studenty» zabuksavali i apynulisia ŭ druhoj pałovie tablicy, dzie znachodzicca i «Nioman».
U haradziencaŭ pakul naohuł bieź pieramoh, ale čamu b nie skarystacca nie samym zajzdrosnym stanoviščam supiernikaŭ. Nie moža ž pastajanna nie šancavać.
«Minsk» — «Dynama-Minsk»
- 24.04, 18:00. Stadyjon FK «Minsk»
- Kaeficyjenty: «Minsk» (pieramoha) — 7.00; ničyja — 3.94; «Dynama» (pieramoha) — 1.46.
Minskaje derbi, a da ŭsiaho inšaha staličnyja kamandy paśla piaci turaŭ apynulisia susiedziami pa turnirnaj tablicy. I kali maładaja kamanda Ščerbačenki pryjemna ździŭlaje, to kamanda Kučuka chutčej rasčaroŭvaje i prymušaje sumavać svaich zaŭziataraŭ.
Fota: FK «Minsk».
Bukmiekiery nie asabliva vierać u «Minsk», ale śpisvać z rachunkaŭ hetu kamandu dakładna nie varta. BATE, «Nioman» i «Ruch» užo heta adčuli na sabie.
«Isłač» — BATE
- 25.04, 15:45. Stadyjon FK «Minsk»
- Kaeficyjenty: «Isłač» (pieramoha) — 6.05; ničyja — 4.333; BATE (pieramoha) — 1.46.
Pieršy aficyjny matč Vitala Žukoŭskaha suprać svajoj byłoj kamandy. Kali jon byŭ na čale «Isłačy», jaho padnačalenyja šmat niepryjemnaściaŭ dastavili barysaŭcam. Ale ci praciahnuć «vaŭki» być niekamfortnym supiernikam dla BATE i z Arciomam Radźkovym za šturvałam?
Abiedźvie kamandy hulajuć u davoli cikavy atakujučy futboł, tamu, imavierna, u niadzielu na «Kamvolščyku» adbudziecca samaja jarkaja hulnia tura.
«Šachcior» — «Ruch»
- 25.04, 17:45. Salihorsk, stadyjon «Šachcior»
- Kaeficyjenty: «Šachcior» (pieramoha) — 1.74; ničyja — 3.60; «Ruch» (pieramoha) — 4.40.
Voś i pieršy surjozny supiernik dla «Šachciora», jakomu dahetul vielmi šancavała z kalendarom.
My nieadnarazova pisali pra prablemy «Rucha», ale dźvie pieramohi — i bieraściejcy ŭžo piatyja. Łakmusavaj papieraj ambicyjam kamandy Kiryły Alšeŭskaha stanie jakraz supraćstajańnie kamandzie-čempijonu.
Na ruku «Ruchu» moža zhulać i toje, što ŭ sieradu «Šachcior» pravioŭ hulniu paŭfinała kubka, tamu, mahčyma, fizičny stan bieraściejcaŭ budzie krychu lepšy. Ale naŭrad ci dźvie hulni na tydzień — heta vialikaja prablema dla kalektyvu z čempijonskimi ambicyjami.
«Homiel» — «Tarpieda-BiełAZ»
- 25.04, 20:45. Homiel, stadyjon «Centralny»
- Kaeficyjenty: «Homiel» (pieramoha) — 2.08; ničyja — 3.38; «Tarpieda» (pieramoha) — 3.28.
Prablemy žodzincaŭ praciahvajucca. Pra niaŭdačy ŭ čempijanacie napisana vyšej, ale my nie zhadali, što ŭ sieradu «Tarpieda» bujna prajhrała pieršy paŭfinał Kubka — ź likam 1:4 u Barysavie ad BATE. Na paślamatčavaj pres-kanfierencyi Juryj Puntus adznačyŭ, što biahučuju situacyju treba pražavać i prahłynuć, kab pačać ruchacca ŭ inšy bok.
Ale čornaja pałasa možna praciahnucca, bo žodzincy jeduć u Homiel, dzie haspadaryć ambicyjnaja kamanda Ivana Bijončyka, jakaja budzie nie suprać skarystacca prablemami čarhovaha supiernika.
Bukmiekierskaja kantora Marafon prapanuje novym klijentam BONUS 10 rub «Biasprojhryšnaja pieršaja staŭka» pa promakodu 10BYN pry rehictracyi na sajcie marathonbet.by.
Heta vydatnaja mahčymaść zrabić prahlad matča lubimaj kamandy jašče bolš zachaplalnym! Usie detali bonusnaj prapanovy čytajcie tut.
Marafonbiet źjaŭlajecca najbujniejšym bukmiekieram u Biełarusi pa kolkaści kas (Licenzija № 33120/171, vydadzienaja MPZ RB) i pradstaŭleny ŭ 21 horadzie krainy.
Śpis adrasoŭ kas
