Fota cnn.com
Usio pačałosia ŭ kancy 2017 hoda, kali daśledčyki ź Japonii raspracavali vielmi tonkuju i lohkuju elektronnuju skuru. Z dapamohaj raspyleńnia vady jaje možna prylaplać na zonu hrudnoj kletki i nasić na praciahu tydnia. Aŭtaram technałohii źjaŭlajecca prafiesar Takijskaha ŭniviersiteta Takao Samieja, jaki ŭžo pačaŭ pieramovy z partniorami nakont masavaj vytvorčaści skury. Pry hetym novamu praduktu jašče treba prajści kliničnyja ispyty, piša CNN.
Asnovaj elektronnaj skury źjaŭlajecca hibki materyjał — poliviniłavy śpirt, jaki pakryvajuć słojem zołata. Skura moža fiksiravać rytm serca i elektryčnyja impulsy ad ruchaŭ muskułaŭ. Nievialiki pieradatčyk, prymacavany da skury, budzie pierasyłać infarmacyju na smartfon ci noŭtbuk, abo ŭ vobłačnaje schovišča — kab jaje moh prahledzieć doktar.
Samieja i jaho kamanda pačali pracu nad elektronnaj skuraj dla robataŭ jašče ŭ pačatku 2000-ch hadoŭ. Dźvie kampanii karystajucca ich raspracoŭkami, kab pieranieści elektronnuju skuru ŭ inšyja śfiery. Pieršaja ź ich — Xenoma, vytvorca pižam i fitnes-adzieńnia z elektronnaj skuraj u składzie. Druhaja kampanija, Signtle, raspracoŭvaje elektronnuju skuru dla vykarystańnia ŭ miedycynskich metach.
Prafiesar Samieja taksama pracuje nad śpiecyjalnym śvietładyjodnym dyspłejem, stvoranym śpiecyjalna dla starych ludziej ci dla tych, kamu ciažka karystacca smartfonam. Na dyspłei buduć demanstravacca pakazčyki rytmu serca, pradstaŭlenyja ŭ formie vialikaj i lohkaj dla razumieńnia hrafiki. Taksama siabry i rodnyja karystalnika mohuć dasyłać na dyspłej sa svajho smartfona prostyja smajliki.
