Imavierna, niechta i acenić takuju sprobu zachavać abličča. Ale kali ŭ suchoj rešcie, to chto vyjhraje, a chto prajhraje ad hetaha rašeńnia?
U Biełarusi za 2020 hod pradałosia 3682 «Škody», heta 3,7% ad abjomu hadavych prodažaŭ «Škody» ŭ Rasii, adkul da nas, ułasna, i pastupajuć mašyny (i 0,45% ad ahulnasuśvietnaha abjomu prodažaŭ «Škody»). Skoda Rapid źbirajecca ŭ Kałuzie, Octavia — u Nižnim Noŭharadzie. Adkazvajučy na pazicyju čechaŭ i niemcaŭ, zabaranili impart «sajuźnika» — «nu takoje».
Rynak Biełarusi małazaŭvažny dla vialikaj karparacyi.
I pryncypovy momant u tym, što zabarona prodažaŭ stanie nie prablemaj čechaŭ, a prablemaj biełarusaŭ. Heta jany buduć sprabavać «vyrašyć» situacyju.
Sama «Škoda» ni z kim damaŭlacca nie budzie, bo ničoha tut nie pradaje — pradaje biełaruski biznes, imparcior «FiełOkt-siervis» z dylerskaj sietkaj u abłasnych haradach.
Fota z sajta «Škody».
Za košt prodažaŭ mašyn «Škody» vyžyvajuć pradaŭcy, mieniedžary, kładaŭščyki, miechaniki servisu i hetak dalej. Za tysiaču ludziej, kali razam ź siemjami.
Ułaśniki kampanii ciapier u biazradasnym nastroi. Vidavočna, što na pabudovu dylerskaj sietki jany brali kredyty, a jak ich addavać, kali prodažy mašyn stanuć?
Zastajecca nievialikaja imaviernaść, što dziaržava pradumała ekanamičnuju padtrymku dla hetych ludziej pry pryniaćci palityčnaha rašeńnia, ale dośvied kavidnaha hoda pakazvaje, što pryvatnik moža nie asabliva raźličvać.
Atrymlivajecca, ułady aburajucca, što Zachad sankcyjami hubić pracoŭnyja miescy, a ŭ suchoj rešcie vynik «kontrsankcyj» vychodzić toj ža samy.
Ale prahladajucca tut nastupstvy i dla šarahovych kupcoŭ mašyn — vyhladaje łahičnym pavyšeńnie cany na «adnakłaśnikaŭ» zabaronienych mašyn praz zvužeńnie kankurencyi.
Praŭda pakul nieviadoma, ci ŭ realnaści situacyja takaja strašnaja, jakoj vyhladaje ŭ zahałoŭkach — farmulovak samoha dakumienta jašče nichto nie bačyŭ, bo tekst nie publikavaŭsia.
Vidać, imparcior budzie spadziavacca, što ŭ tekście znojducca ščyliny i impart z Rasii zastaniecca mahčymym.
Što da «Škody» jak brendu, to ŭ suśvietnym maštabie ad biełaruskich sankcyj jany mohuć navat vyjhrać.
Prykład šviedskaj kampanii H&M. Kampaniju padvierhli anałahičnamu astrakizmu ŭ Kitai paśla taho, jak jana źviarnuła ŭvahu na pravy ŭjhuraŭ. Kitajski rynak u 275 razoŭ (pa pamiery VUP) bolšy za biełaruski, tym nie mienš, H&M kampiensavała straty za košt rostu prodažaŭ na inšych rynkach. Mnohija paśla hetaha stali kuplać H&M ź pierakanańniaŭ. Spažyviec u demakratyčnych krainach usio bolš schilny da Moral Purchasing, «vybaru tavaraŭ pa pierakanańniach», maralnaha vybaru pry vybary tavaraŭ.
U hetym sensie, ataka na «Škodu» z boku režymu z adpaviednaj reputacyjaj moža padniać reputacyju hetych brendaŭ u vačach nie tolki biełaruskaj dyjaspary, ale i spažyŭca na rynkach našmat bolšaj jomistaści, čym biełaruski. U vypadku «Niviea» ci «Likvi Moli» hety «plus pryncypovaści» moža być jašče bolšym, čym u «Škody».
