Prezident ZŠA Džo Bajden u červieni naviedaje Vialikabrytaniju i Bielhiju, heta budzie jaho pieršaja pajezdka ŭ Jeŭropu na pasadzie kiraŭnika dziaržavy.
Bajden voźmie ŭdzieł u samicie G7 u Karnuole, Vialikabrytanija, jaki adbudziecca 11-13 červienia, dzie jon paćvierdzić prychilnaść šmatbakovaści, budzie pracavać nad prasoŭvańniem klučavych pryjarytetaŭ palityki ZŠA ŭ halinie hramadskaj achovy zdaroŭja, adnaŭleńnia ekanomiki i źmieny klimatu, a taksama prademanstruje salidarnaść i ahulnyja kaštoŭnaści asnoŭnych demakratyj.
Jon taksama praviadzie dvuchbakovyja sustrečy ź inšymi lidarami G7, uklučajučy premjer-ministra Brytanii Borysa Džonsana.
Z Brytanii prezident ZŠA nakirujecca ŭ Brusel, dzie voźmie ŭdzieł u samicie NATO 14 červienia.
U Bruseli Bajden taksama voźmie ŭdzieł u samicie ZŠA-ES.