23 krasavika ŭ 12.15 łuninieckim ratavalnikam patelefanavała dziažurnaja miedsiastra z ahraharadka Paleski. Žančyna paviedamiła, što padletak atrymaŭ apioki na vulicy Pracoŭnaj, pieradaje «Miedyja-Paleśsie».
Apieratyŭnaja hrupa vyjaviła na padłozie ŭ zakinutym budynku reštki abharełaha adzieńnia.
Papiarednie stała viadoma, što chłopiec razmaŭlaŭ ź dziaŭčynaj pa mabilnym telefonie. U peŭny momant jon abliŭ siabie nieviadomaj vadkaściu (hety fakt paćvierdžany videazapisami ŭ telefonie) i, mierkavana, ździejśniŭ akt samapadpału.
Patušyli padpalenuju vopratku vidavočcy, jakija pražyvajuć nasuprać. Jany ž vyklikali miedykaŭ. 17-hadovy padletak z termičnymi apiokami 90% cieła špitalizavany.
Pryčyna zdareńnia vyśviatlajecca, paviedamlaje MNS.
Jak paviedamiŭ aficyjny pradstaŭnik USK pa Bresckaj vobłaści Dźmitryj Ivaniuk, padletak znachodzicca ŭ reanimacyi. Miedyki aceńvajuć jaho stan jak ciažki. Vyśviatlajucca pryčyny ŭčynku chłopca. Pryznačanaja sudova-miedycynskaja ekśpiertyza.