Submarynu, źnikłuju ŭ vodach la vostrava Bali, znajšli na hłybini kala 850 m. Na borcie znachodzilisia 53 členy ekipaža. Na dumku ŭładaŭ, nadziei na toje, što jany žyvyja, mała: zapas kisłarodu pavinien byŭ skončycca ŭ noč na subotu, paviedamlaje RBK.
Indaniezijskija ratavalniki vyjavili padłodku KRI Nanggala 402, ekipaž jakoj pierastaŭ vychodzić na suviaź, paviedamlaje Reuters.
Ahienctva pieradaje sa spasyłkaj na kiraŭnictva vajenna-marskoha fłotu, što skanavańnie dna vyjaviła submarynu na hłybini 850 m. Pry hetym jaje techničnyja charaktarystyki raźličany na na apuskańnie na hłybiniu da 500 m.
Nadziei na toje, što čalcoŭ ekipaža znojduć žyvymi, mała, piša Reuters: jak paviedamili ŭłady, zapas kisłarodu na padłodcy pavinien byŭ skončycca ŭ noč na 24 krasavika.
Assosiated Press sa spasyłkaj na načalnika štaba VMS admirała Juda Morhana ŭdakładniaje, što ratavalnikam udałosia vyjavić abłomki submaryny — častki tarpiednaha aparata i bałon sa zmazkaj dla pieryskopa.
Taksama byli znojdzienyja malitoŭnyja kilimki, jak miarkujecca, jakija naležali členam ekipaža.
Pa słovach Morhana, z ulikam vynikaŭ pošukavaj apieracyi ŭłady pierachodziać «z fazy, kali padvodnaja łodka ličyłasia źnikłaj, da fazy, dzie jana ličycca patanułaj».
Padłodka pravodziła trenirovačnyja puski tarpied u vodach la vostrava Bali, ale, jak paviedamili 21 krasavika ŭ vajenna-marskim fłocie krainy, nie paviedamiła ab vynikach vučeńniaŭ u abumoŭleny čas. Paźniej Minabarony krainy zajaviła, što niedaloka ad miesca, dzie znachodziłasia submaryna pierad tym, jak ekipaž pierastaŭ vychodzić na suviaź, znajšli naftavuju plamu.
