Hetym razam numar «Našaj historyi» pačynajecca artykułam pra try hady źniavoleńnia na Vaładarcy Jakuba Kołasa. Kłasik trapiŭ tudy za ŭdzieł u «niesankcyjanavanym schodzie» nastaŭnikaŭ Minščyny. Najlepšyja tvory biełaruskaha hienija — «Novaja ziamla» i «Symon-muzyka» — stvaralisia mienavita ŭ minskaj katałažcy. Pryčym hieniju davodziłasia chavać rukapisy ad turemščykaŭ u baradzie, jakuju jon pa maładości nasiŭ.
A voś jašče artykuły śviežaha numaru «Našaj historyi» (4/2021):
— U 18 hadoŭ jon trapiŭ u Aśviencim, u 24 hady — u kamunistyčnuju turmu. A ŭ 73 hady staŭ ministram zamiežnych spraŭ svabodnaj Polščy. Pra niejmaviernaje žyćcio Uładzisłava Bartašeŭskaha piša biełarus z Padlašša Tamaš Sulima.
— Šviejcaryja. Praz refierendum tut vyrašajecca absalutna ŭsio: ad ustupleńnia ŭ Jeŭrasajuz da zachavańnia roh u karoŭ (tekst napisaŭ były časovy pavierany ŭ spravach Biełarusi ŭ Šviejcaryi Pavieł Macukievič).
— Machatma Handzi — čałaviek, jaki mirnym pratestam zdabyŭ niezaležnaść dla Indyi. Jaho bijahrafiju napisała kandydatka histaryčnych navuk Paŭlina Skurko.
— Historyja pra kradziež carkoŭnaha sierabra z Mahilova XVII stahodździa — žyvy detektyŭ.
— Bieły Koviel, zahadkavy i biezabaronny — pra što dumali mahnaty ź Vilni, kali budavali baročny zamak biez abarončych vałoŭ i bastyjonaŭ tak blizka da miažy z Maskovijaj, raskazvaje vydatny ekskursavod Cimoch Akudovič.
Turystyčnyja kirunki: Fłarencyja i Kiurasaa.
Kuchnia: stejk pa-fłarentyjsku, buterbrody lampredotto, syr Emmental, bulbianyja Rösti sa Šviejcaryi, smažanyja banany z Kiurasaa.
Historyju kultury piša Siarhiej Astankovič: pamieščyk-našaniviec. Pa śladach Jazepa Buračka — stvaralnika adnaho ź pieršych słoŭnikaŭ biełaruskaj movy Jazepa Cichinskaha.
Hety numar časopisa možna nabyć u kniharniach, u niekatorych supiermarkietach, na niekatorych poštach i ŭ pryvatnych raspaŭsiudnikaŭ. A ŭ Mahiloŭskaj vobłaści — u šapikach «Sajuzdruka».
Voś śpis kniharań.
Minsk
- «Rahna» (vuł. Suchaja, 4, mietro «Frunzienskaja»)
- Handlovy centr «Kupałaŭski» (pad Kastryčnickaj płoščaj), kramy 41—42 i 44—45
- «Halijafy» (vuł. Niamiha, 3, krama №47 na cokalnym paviersie)
- «Knižnaja šafa» (pr. Dziaržynskaha, 9) dy inšyja
Poštaj ci z dastaŭkaj na dom
Anłajn praz: Mmkut.by, Kniganosha.by, Halijafy.by, Knihi.by, Kniger.by, Ragna.by.
Hrodna
«Cudoŭnia».
Viciebsk
«Śvietač» (vuł. Kirava, 10) dy inšyja
Babrujsk
«Krynica viedaŭ» (vuł. Horkaha, 31).
Nahadvajem, što naš časopis možna kupić i ŭ PDF, u elektronnaj viersii. Rekamiendujem jaje dla ŭsich, u kaho niama dostupu da papiarovaj viersii.
Na červień jašče možna padpisacca až da kanca 26 maja — padpisny indeks 00469. Z druhoha paŭhodździa «Našu historyju» vykidajuć z «Biełpošty», tamu my zapuścim ułasnuju sistemu padpiski.
Padobnaja schiema dziejničała ŭ 2006—2008, kali «Našu Nivu» vykinuli z kijoskaŭ i padpiski.
Kali vy chočacie atrymlivać časopisy (pačynajučy z №7, ad lipienia), prosta zaraz pierajdzicie pa spasyłcy i zapoŭnicie huhł-ankietu z kantaktnymi źviestkami. Treba ŭkazać imia, adras dastaŭki i telefon. Pakul płacić ničoha nie treba — hetyja źviestki patrebnyja nam, kab raźličyć nakład nastupnych numaroŭ.
Bližej da lipienia zapracuje sajt «Naša krama» (nashakrama.by), na jakim možna budzie apłacić padpisku na luby z časopisaŭ całkam na druhoje paŭhodździe ci na luby ź miesiacaŭ. Na druhoje paŭhodździe košt «Našaj historyi» pa padpiscy budzie składać 7 rubloŭ za numar (35 rubloŭ, kali padpisvajeciesia adrazu na paŭhoda), košt «Aściarožna: dzieci!» i «Dudu» — pa 3 rubli (15 rubloŭ, kali padpisvajeciesia adrazu na paŭhoda).
Kali naš sajt zapracuje, my nahadajem vam, što ŭžo možna aformić padpisku.
U mianie ŭžo aformlenaja padpiska «Biełpošty» na maj-červień. Ja atrymaju časopisy?
Tak, «Biełpošta» abiacaje dastaŭlać časopisy da kanca paŭhodździa.
Ok, ź lipienia padpišusia ŭ vas, a što rabić z červieniem?
Na červień jašče možna padpisacca praz «Biełpoštu». Voś instrukcyja. Na červień vy jašče zmožacie padpisać ludziej u turmach.
Ci možna na druhoje paŭhodździe padpisać viaźniaŭ?
Nie, heta niemahčyma. Časopis im možna budzie pieradavać tolki praz advakata, sa zhody śledčaha. Ale na maj-červień časopis im jašče budzie dachodzić praz padpisku.
I jašče raz. Što mnie rabić prosta zaraz?
1) Pierš za ŭsio zarehistrujcie siabie i inšych ludziej, kaho vy chočacie padpisać, u našaj bazie padpisčykaŭ.
2) Dumajcie, dzie nabudziecie 4-y numar «Našaj Historyi» ź Jakubam Kołasam na vokładcy! Jon užo jość u prodažy.
Jakija pryncypy časopisa
My robim navukova-papularny časopis. Heta značycca, što jon aryjentavany na prostaha čytača, a nie navukoŭcaŭ. Naš padychod — historyja prostymi słovami.
My zadumali jaho jak časopis, jaki budzie jadnać, a nie dzialić. Akramia taho, nam važnyja sistemnaść, abjektyŭnaść i histaryzm. Nam važna pisać bieź mifałohii i mistyfikacyj, bo tolki praŭda cikavaja.
