Andrej Pačobut i Adam Michnik.
Adam Michnik, hałoŭny redaktar adnaho z najbujniejšych polskich vydańniaŭ «Hazeta Vyborča», jaki byŭ palitviaźniem u časy, kali Polšča była padkantrolnaja SSSR, a ciapier — adzin z samych upłyvovych ludziej Polščy, napisaŭ adkryty list načalniku SIZA №1 Minska Andreju Cedryku, dzie trymali pad vartaj Andreja Pačobutu, šmathadovaha karespandenta «Hazety Vyborčaj». Jamu i jašče čaćviarym aktyvistam niedziaržaŭnaha Sajuza palakaŭ vystaŭlenaje abvinavačvańnie ŭ «raspalvańni nacyjanalnaj varažniečy».
Michnik apublikavaŭ svoj adkryty list na Wyborcza.pl.
«Pavažany Andrej Michajłavič! U SIZO №1, jakoje Vy ŭznačalvajecie, z 25 sakavika 2021 hoda znachodzicca naš kaleha, karespandent «Hazety Vyborčaj» Pačobut Andrej Stanisłavavič, — piša Michnik.
— Jaho sprava i abvinavačvańni suprać jaho, u čym my hłyboka ŭpeŭnienyja, majuć pryrodu biespadstaŭnych i niezakonnych palityčnych represij, nakiravanych na žadańnie ŭład suprać sumlennaha i dastojnaha davieru žurnalista i, u cełym, suprać pradstaŭnikoŭ polskaj mienšaści ŭ Biełarusi. Takim čynam, hetyja represii adpaviadajuć rysam etničnaj čystki, źjavy, jakaja moža i pavinna być rasśledavanaja zhodna ź mižnarodnym pravam.
Asabista Vy, Andrej Michajłavič, zrazumieła, nie majecie ŭpłyvu na charaktar abvinavačvańniaŭ Pačobuta A.S., na chod rasśledavańnia abo mahčymy vierdykt. Z druhoha boku, mienavita Vy całkam adkazny za los viaźnia padčas jaho źniavoleńnia.
Tamu my chacieli b, kab Vy viedali: toje, što adbyvajecca padčas aryštu z Pačobutam A.S., zakranaje nie tolki nas, jaho kaleh pa redakcyi, ale i žurnalisckuju supolnaść va ŭsioj Polščy. Pačobuta viedajuć, šanujuć i pavažajuć. Dokaz hetaha — toje, što ŭ 2011 hodzie jon byŭ pryznany polskim žurnalistam hoda, što ŭ našaj krainie źjaŭlajecca najvyšejšaj žurnalisckaj uznaharodaj.
Niahledziačy na infarmacyjnuju błakadu, my ŭvažliva sočym za losam Pačobuta A.S. padčas jaho źniavoleńnia.
Kali vyśvietlicca, što jaho pravy jak viaźnia parušajucca, my hatovyja i zdolnyja ŭźniać hramadski rezanans u Polščy i inšych krainach, a taksama źviarnucca da mižnarodnych instytutaŭ, kab nastojliva dabivacca pakarańnia vinavatych.
Ščyra vaš,
Adam Michnik, hałoŭny redaktar «Hazety Vyborčaj».
Varta adznačyć, što na hety momant Andreja Pačobuta ź SIZA-1 pieraviali ŭ turmu Žodzina.
