«Naša Niva» i Bukmiekierskaja kantora Marafon prapanoŭvaje vašaj uvazie anonsy hetych dvuch matčaŭ. Pra astatnija vy zmožacie pračytać u piatnicu.
U minułym tury «Šachcior» pastaviŭ rekord pa kolkaści pieramoh zapar na starcie siezonu. Ale dziaviataja viktoryja ŭ Hrodnie dałasia vielmi niaprosta dla kamandy Hryharčuka. «Nioman» zabiŭ pieršym i byŭ blizki, kab padvoić lik, ale Kantaryja nie realizavaŭ 11-mietrovy ŭdar.
Hości zdoleli nie tolki adbicca, ale i vyrvać pieramohu. A haradziency ŭ vyniku zastalisia i biez dvuch asnoŭnych abaroncaŭ: Alaksiej Haŭryłovič atrymaŭ dźvie žoŭtyja, a Hiorhi Kantaryja byŭ vydaleny ŭžo paśla finalnaha śvistku. A jak dobra dla «Niomana» ŭsio pačynałasia…
Što varta adznačyć, dyk heta vialikuju kolkaść zabitych miačoŭ u tury. Usiaho amatary futboła pabačyli 28 hałoŭ — heta 3,5 ŭ siaredniem za hulniu, a ŭ pałovie matčaŭ było zabita ad čatyroch miačoŭ i bolš.
«Viciebsk» znoŭ zabiŭ trojčy i zdabyŭ druhuju pieramohu ŭ siezonie. Kamandzie Čarnuchina nadakučyła hulać u aściarožny futboł, ciapier jany i zabivajuć, i prapuskajuć šmat — hladzieć matčy paŭnočnaj kamandy stała kudy cikaviej, čym u pačatku siezonu.
Druhi tur zapar adzin z matčaŭ atrymaŭsia zvyšhalavym tryleram: žodzinskaje «Tarpieda» na piataj kampiensavanaj chvilinie vyrvała ničyju ŭ hulni z «Isłačču». Ratavalnikam «aŭtazavodcaŭ» staŭ limitčyk Dzianis Hružeŭski, jaki dahetul źjaŭlaŭsia na poli tolki adnojčy. 21-hadovy abaronca adznačyŭsia dublem i ŭ vyniku byŭ pryznany najlepšym hulcom usiaho tura.
Chvilina słavy Dzianisa Hružeŭskaha. Fota: FK «Tarpieda-BiełAZ».
Ale matč tura prajšoŭ na «Barysaŭ-Arenie», dzie BATE zdabyŭ valavuju pieramohu ŭ hulni suprać «Rucha». Abiedźvie kamandy adznačylisia hałami-pryhažunami, ale barysaŭcy byli macniejšyja: 29-9 pa ŭdarach i 12-6 pa halavych momantach. Choć BATE dva razy prajhravaŭ pa chodzie hulni, ale pieramoh zasłužana.
Voś usie vyniki tura:
- «Spadarožnik» — «Słavija» 0:2 (57, 62, Narch)
- «Dynama-Minsk» — «Smarhoń» 2:0 (9, Mbienh; 66, Łožkin)
- «Nioman» — «Šachcior» 1:2 (14, Kuadža — 37, Eze; 59 (p), Kiendyš)
- «Viciebsk» — «Enierhietyk-BDU» 3:2 (49, 57, Cievieraŭ; 61, Vandersan — 22 (p), U. Vasiljeŭ; 24, Bašyłaŭ)
- «Tarpieda-BiełAZ» — «Isłač» 3:3 (3, Klańjo; 60, 90+5, Hružeŭski — 8, 68; Marozaŭ; 45 (p), Kamaroŭski)
- BATE — «Ruch» 3:2 (26, Niachajčyk; 72, Drahun; 83, Vilumsan — 19, Ja. Šaŭčenka; 27, Hračycha)
- «Słuck» — «Minsk» 2:2 (48, Alfred; 51, Hlabko — 37, Čahaviec; 80, K. Zinovič)
- «Dynama-Brest» — «Homiel» 1:0 (64, Siadźko)
Jakija matčy projduć u sieradu?
«Isłač» — «Viciebsk»
- 19.05, 18:30. Maładziečna, haradski stadyjon
- Kaeficyjenty: «Isłač» (pieramoha) — 2.74; ničyja — 3.18; «Viciebsk» (pieramoha) — 2.49.
«Isłač» pravodzić jaskravy siezon, uznaharodaj za jaki staŭ vychad u finał Kubka, ale ŭ ambitnaj kamandy Radźkova jość prablemy. Hałoŭnaja — heta abarona: «vaŭki» prapuścili ŭ dzieviaci turach 17 miačoŭ, bolš tolki ŭ kamand z zony vyletu.
«Viciebsk», jaki doŭhi čas byŭ samaj nievidoviščnaj kamandaj, ciapier razzabivaŭsia i jaŭna zachoča skarystacca chibami supiernika. Voś tolki ci atrymajecca heta? Pierad finałam «Isłač» čakaje surjozny ispyt.
BATE — «Spadarožnik»
- 19.05, 20:45. «Barysaŭ-Arena»
- Kaeficyjenty: BATE (pieramoha) — 1.067; ničyja — 9.40; «Spadarožnik» (pieramoha) — 26.00.
Pieršapačatkova ŭ matčy 10 tura haspadarom byŭ «Spadarožnik», ale paśla kłuby damovilisia ab abmienie: u pieršym kruzie kamandy zhulajuć u Barysavie, u druhim — na jakoj-niebudź z chatnich aren «Spadarožnika».
U BATE kudy lahčejšy supiernik pierad kubkavym finałam. Mahčyma, trenierski štab zachoča pabierahčy kahości ź lidaraŭ, a ŭ matčy z aŭtsajdaram źjavicca šaniec prajavić siabie reziervistam.
Tamu ŭ pieramozie barysaŭcaŭ nie sumniajemsia, ale miarkujem, što hałoŭ budzie niašmat.
Bukmiekierskaja kantora Marafon prapanuje novym klijentam BONUS 10 rub «Biasprojhryšnaja pieršaja staŭka» pa promakodu 10BYN pry rehictracyi na sajcie marathonbet.by.
Heta vydatnaja mahčymaść zrabić prahlad matča lubimaj kamandy jašče bolš zachaplalnym! Usie detali bonusnaj prapanovy čytajcie tut.
Marafonbiet źjaŭlajecca najbujniejšym bukmiekieram u Biełarusi pa kolkaści kas (Licenzija № 33120/171, vydadzienaja MPZ RB) i pradstaŭleny ŭ 21 horadzie krainy.
Śpis adrasoŭ kas
