BiełTA
«Miarkuju, što refierendum nie spravakuje novuju chvalu pratesnaj aktyŭnaści. Pa sutnaści spravy, tak, sproby takija robiacca, u tym liku z-za miažy, źbiehłymi hramadzianami našaj krainy, zakliki razdajucca, ale jany nie znachodziać asablivaj padtrymki siarod nasielnictva», — cytuje słovy kiraŭnika administracyi TASS.
Sierhiejenka paviedamiŭ, što hramadska-palityčnaja situacyja ŭ Biełarusi stabilizavanaja, ale pa-raniejšamu zachoŭvajucca ryzyki i pahrozy destabilizacyi.
«Mnohija pahrozy nosiać dosyć schavany charaktar. Ale dla hetaha ŭ nas u krainie jość padrychtavanyja ludzi i śpiecyjalisty, jakija zajmajucca na stadyi padrychtoŭki mahčymych pravakacyj i złačynstvaŭ», — adznačyŭ jon.
Sierhiejenka ličyć, što «vyklučać nielha ničoha».
Pa słovach kiraŭnika Administracyi prezidenta, treba być hatovymi da adbićcia lubych pravakacyj i spynieńnia lubych zamachaŭ na kanstytucyjny ład Biełarusi, na žyćcio kiraŭnika dziaržavy i vyšejšych słužbovych asob.
