Pra heta paviedamiŭ namieśnik ministra ekanomiki — handlovy pradstaŭnik Ukrainy Taras Kačka, piša interfax.by.
«Pavodle apieratyŭnaj infarmacyi, Biełaruś uviała režym indyvidualnaha licenzavańnia na impart šerahu ŭkrainskich tavaraŭ: kandytarskija vyraby, šakaład, soki, piva, plity DSP i DVP, špalery, tualetnaja papiera i ŭpakoŭka, cehła, kieramičnaja plitka, šklanyja ampuły, sielhastechnika dla pasievu, pralnyja mašyny i meblu. Heta rašeńnie zaćvierdžana pastanovaj Savieta ministraŭ Biełarusi ad 26 maja №292», — napisaŭ jon.
Jon udakładniŭ, što rašeńnie raźličana na paŭhoda.
«Takija dziejańni źjaŭlajucca nieabhruntavanymi i dyskryminacyjnymi.
Režym indyvidualnaha licenzavańnia aznačaje ručnoje kiravańnie ŭvozam ukrainskaj pradukcyi ŭ Biełaruś.
Urad pravodzić kansultacyi z vytvorcami pa likvidacyi niehatyŭnych nastupstvaŭ dyskryminacyjnych dziejańniaŭ urada Biełarusi», — adznačyŭ Kačka.
Pavodle pres-słužby ŭrada Biełarusi, pastanova №292 budzie aficyjna apublikavanaja ŭ bližejšy čas. «Častka punktaŭ ŭstupić u siłu ź niadzieli, častka paźniej», — patłumačyli žurnalistam u pres-słužbie.
