Pra heta paviedamiŭ u fejsbuku suzasnavalnik Tut.by Kirył Vałošyn.
Raniej stała viadoma, što Julii Čarniaŭskaj, udavie Juryja Zisiera, vystaŭlena abvinavačańnie. Pra heta napisała ŭ Facebook jaje dačka Jaŭhienija.
Infarmacyi ab statusie astatnich supracoŭnikaŭ Tut.by pakul niama, bo advakaty znachodziacca pad padpiskaj ab nierazhałošvańni. Kali pa zakančeńni 10 sutak z momantu zatrymańnia jany nie vyjduć na volu, heta budzie aznačać, što im taksama vystavili abvinavačańni i abrali mieru strymańnia terminam na dva miesiacy, zaznačaje Tut.by.
Dakładnaj infarmacyi ab tym, jakija mienavita abvinavačańni vystaŭlenyja supracoŭnikam kampanii, niama: advakaty nie mohuć vydavać hetyja źviestki.
18 maja KDK zajaŭlaŭ, što kryminalnaja sprava zaviedzienaja ŭ dačynieńni da słužbovych asob «Tut baj miedyja» pa avrtykule č. 2 art. 243 KK Biełarusi (Uchileńnie ad vypłaty padatkaŭ u asabliva bujnym pamiery). Hety artykuł adniesieny da katehoryi ciažkich złačynstvaŭ, maksimalny termin utrymańnia pad vartaj da suda moža składać paŭtara hoda.
Varta adznačyć, što siarod zatrymanych jość šarahovyja supracoŭniki, u pryvatnaści žurnalisty, jakija nie majuć dačynieńnia da finansava-haspadarčaj dziejnaści kampanii.
