Fota pixabay.com.
Navukoŭcy ź Pitsburhskaha ŭniviersiteta (ZŠA) śćviardžajuć, što inhalatar, padobny da taho, što vykarystoŭvajuć pry astmie, moža dapamahčy efiektyŭna zmahacca z kavidam. Praź inhalatar u arhanizm chvoraha čałavieka prapanujecca ŭvodzić nanaantycieły.
Jany padobnyja da manakłanalnych antycieł — stvoranych u łabaratoryi białkoŭ, jakija kapirujuć toje, jak imunitet zmahajecca ź virusami nakštałt kavidu. Ale nanaantycieły mienšyja za ich u niekalki razoŭ, piša Daily Mail.
Daśledčyki vyjavili, što nievialikija dozy nanaantycieł źnizili u miljon razoŭ kolkaść virusnych čaścinak u nasavych połaściach, lohkich i horle chamiakoŭ. Takija vyniki dajuć mahčymaść ličyć, što preparat na bazie nanaantycieł, jaki navukoŭcy nazvali PiN-21, moža akazacca bolš tannym i chutkim sposabam pieramahčy kavid, čym leki, jakija ŭžo isnujuć na rynku.
Cikava, što taja častka chvorych na kavid chamiakoŭ, jakaja padčas daśledavańnia atrymlivała nie PiN-21, a płaceba, straciła za pieršy tydzień chvaroby kala 16% masy cieła. Heta ekvivalentna tamu, kali b čałaviek za siem dzion pachudzieŭ na dzieviać kiłahram.
Taksama chamiaki, jakija atrymlivali preparat, mieli nie takoje mocnaje zapaleńnie ŭ lohkich, jak tyja, chto zastaŭsia bieź lačeńnia.
Mahčyma, heta źviazana z tym, što inhalatar dazvalaje dastavić preparat niepasredna ŭ lohkija.
