Fota Nadziei Bužan
Jaje etap doŭžyŭsia piać dzion. Pra heta Radyjo Svaboda paviedamiŭ muž Kaciaryny žurnalist Ihar Iljaš:
«Apošnija dziesiać dzion byli vielmi tryvožnyja, bo my nie mieli zvarotnaj suviazi z Kaciaj, nie viedali, jak i kali jaje etapujuć u homielskuju kałoniju. Ale ŭčora ja atrymaŭ ad Kaci pieršy list z Homiela: u jaje ŭsio ŭ paradku, na zdaroŭje jana nie skardzicca, nastroj pazityŭny. Vyśvietliłasia, što Kaciu etapavali z Žodzina ŭ Mahiloŭ u noč z 17-ha na 18-ha, 18-21 maja jana była ŭ mahiloŭskaj turmie. Ranicaj 22 maja prybyła ŭ kałoniju ŭ Homieli.
Hałoŭnaje ŭražańnie ad pieršaha dnia ŭ kałonii — heta nieba, sonca, kvietki, jakija jana pabačyła ŭpieršyniu za paŭhoda».
«Upieršyniu za paŭhoda ja prosta išła pa asfalcie, a nad hałavoj byŭ hety vielizarny sini kupał z puchnatymi vobłačkami!» — napisała Kaciaryna ŭ liście z homielskaj kałonii.
