Skrynšot ź videa. 

Skrynšot ź videa. 

Jon zajaviŭ, što pryznaŭ vinu pa artykule 342 (hrubaje parušeńnie hramadskaha paradku).

Aproč taho, raskazaŭ pra čat, u jakim administratary najbujniejšych telehram-kanałaŭ abmiarkoŭvali płan akcyj pratestu.

«Možna skazać, hety čat «Chata», jon pa-roznamu nazyvaŭsia, pierastvaraŭsia, mieŭ roznyja nazvy. Hałoŭnaje, było heta klučavoje słova «Chata». Tam byli administratary najbujniejšych kanałaŭ, błohiery i hetak dalej. I mienavita tam adbyvałasia sapraŭdy, heta byŭ taki hałoŭny kaardynacyjny čat vuličnych pratestaŭ i infarmacyjnaha paradku», — raskazaŭ Pratasievič i nazvaŭ imiony ludziej, jakija nibyta ŭvachodzili ŭ čat.

«Ściapan Puciła, Jan Rudzik paźniej tudy staŭ uvachodzić, Tadevuš Hičan, taksama tudy ŭvachodziŭ Franak Viačorka, jaki moh pryjści tudy i napisać adrazu kankretnyja tezisy, pa jakich my pavinny byli pracavać. Anton Matolka, Daniła Bahdanovič. Raniej tam prysutničali takija piersanažy, jak Šrajbman, Palčys, Juškievič, a taksama Nastaśsia Rahatko, jakaja maje dačynieńnie da dziejnaści štaba Śviatłany Cichanoŭskaj, Viktoryja Palčys, žonka Eduarda Palčysa. Dźmitryj Navoša, u pryncypie, dastatkova viadomy miedyjny čałaviek, Jaŭhien Małachoŭski, jaki pracavaŭ u asnoŭnym z dvarovymi čatami i dvarovymi inicyjatyvami. Tam, u asnoŭnym, i prymalisia ŭsie asnoŭnyja rašeńni ab tym, dzie projdzie nastupnaja akcyja, jaki my pavinny trymać infarmacyjny paradak u najbližejšy čas. Tam abmiarkoŭvalisia ŭsie aktualnyja padziei, usie zdareńni. Pa sutnaści, adzin čat vykonvaŭ rolu hałoŭnaha kaardynacyjnaha čata ŭsioj infarmacyjnaj vajny i vuličnych pratestaŭ», — śćviardžaje jon.

Zhadanyja im ludzi pakul nijak nie prakamientavali film ANT.

Pratasievič šmat vykazvaŭsia ŭ tym liku ab žyllovych umovach i materyjalnym stanie niekatorych apazicyjnych dziejačaŭ. Pry hetym jon nie raz sa škadavańniem adznačaŭ, havoračy pra svaju supracu ŭ roznych kanałach, što jaho «adsunuli ŭ bok», «źbiralisia zvolnić» i h. d.

Клас
0
Панылы сорам
0
Ха-ха
0
Ого
0
Сумна
0
Абуральна
0