Prezident Rasii Uładzimir Pucin napiaredadni sustrečy z amierykanskim prezidentam Džo Bajdenam daŭ intervju telekanału NBC News.
U chodzie razmovy karespandent NBC Kiejr Simans spytaŭ u Pucina, ci «zabojca» jon.
Pucin u adkaz na pytańnie pra «zabojcu» zaśmiajaŭsia i skazaŭ: «Pasłuchajcie, za čas majho znachodžańnia na pasadzie ja pryvyk da napadaŭ z usich bakoŭ i z samych roznych abłaściej pad roznymi padstavami, pryčynami, napadaŭ roznaha kalibra i žorstkaści, ničoha z hetaha mianie nie ździŭlaje».
Žurnalist NBC News pieraličyŭ imiony viadomych ludziej, zabitych u Rasii za apošnija hady: Siarhieja Mahnickaha, Hanny Palitkoŭskaj, Barysa Niamcova, Michaiła Lesina.
«My znajšli złačyncaŭ, jakija ździejśnili hetyja dziejańni, niekatoryja ź ich u turmie, i my hatovyja praciahvać pracu ŭ hetym kirunku», — zajaviŭ prezident Rasii.