Paŭabaronca zbornaj Danii Kryścijan Eryksan straciŭ prytomnaść padčas matču Jeŭra-2020 suprać Finlandyi. Na 43-j chvilinie chaŭbiek upaŭ la kraju pola. Heta zdaryłasia nie ŭ vyniku sutyknieńnia.
Hulnia była spynienaja, na pole vybiehli daktary, jakija pačali pravodzić reanimacyjnyja pracedury, uklučajučy vykarystańnie defibrylatara.
U dalejšym miedyki raściahnuli šyrmu i, prykryvajučy hulca, vynieśli jaho za miežy pola ŭ asiarodździ kamandy.
Futbalist pryjšoŭ u prytomnaść i zastaŭsia žyvy. Jon ciapier u balnicy.
Sustreča čempijanatu Jeŭropy-2020 siarod kamand Danii i Finlandyi adnaviłasia a 21.30.
Niahledziačy na ašałamlalnuju pieravahu na poli, Danija prajhrała — 0:1.
Jašče ŭ adnym matčy dnia zbornaja Uelsa zhulała ŭničyju z kamandaj Šviejcaryi ŭ matčy 1-ha tura hrupavoha raŭnda čempijanatu Jeŭropy — 2020 — 1:1.
U apošnim matčy dnia zbornaja Rasii, jakaja hulała doma, prajhrała bielhijcam.
U pačatku matču Łukaku raźviarnuŭsia i prabiŭ nizam. 1:0 na karyść bielhijcaŭ.
Na 34-j chvilinie Šunin niahiehła adbiŭ pierad saboj. U centry štrafnoj dziažuryŭ Mieńje. Jon nie pramazaŭ — 2:0 na karyść zbornaj Bielhii.
Na 87-j chvilinie Łukaku ŭklučyŭ maksimalnuju chutkaść, pakinuŭ z nosam Dziviejeva ŭ pracesie ryŭka i prabiŭ u blizki nižni. Šunin nie vyručyŭ — 3:0.
