«Ja raspaviadaŭ niadaŭna ŭ adnoj z razmoŭ ź jeŭrapiejskim kaleham: viersija spadara Łukašenki, pra jakuju jon mnie raspavioŭ, zaklučajecca ŭ tym, što da ich samich pastupiła infarmacyja, što na borcie znachodzicca vybuchovaje prystasavańnie. Jany prainfarmavali piłota, nie prymušali jaho da pasadki, i piłot pryniaŭ rašeńnie sadzicca ŭ Minsku. Voś i ŭsio», — adznačyŭ rasijski prezident.
Na remarku žurnalista «I vy vierycie, što heta praŭda?» Uładzimir Pucin paryravaŭ: «A čamu mnie jamu nie vieryć? Vy spytajecie ŭ piłota. Samaje prostaje — spytać u kamandzira karabla: ciabie prymušali da pasadki ci nie? Spytajcie ŭ jaho. Vy pytalisia ŭ jaho? Niešta ja ni razu nie čuŭ intervju hetaha kamandzira karabla, jaki sieŭ u Minsku. Čamu b jaho nie spytać: što, ciabie siłaj prymušali sadzicca? Čamu nie pytajeciesia ŭ jaho? Heta navat dziŭna. Usie abvinavačvajuć Łukašenku, a ŭ piłota nie pytajucca».
Rasijski lidar zajaviŭ, što ŭ suviazi z hetym jon nie moža nie ŭspomnić inšaha vypadku padobnaha rodu, kali samalot prezidenta Balivii pa zahadzie amierykanskaj administracyi pasadzili ŭ Vienie.
Na heta vykazvańnie amierykanski žurnalist zaŭvažyŭ, što «heta zusim inšy prykład», pakolki havorka idzie ab kamiercyjnym rejsie.
Tady Uładzimir Pucin znoŭ byŭ vymušany paŭtaryć svoj tezis: «Pasłuchajcie mianie, ja jašče raz vam kažu toje, što mnie skazaŭ prezident Łukašenka. U mianie niama padstaŭ jamu nie vieryć. Spytajecie ŭ piłota ŭrešcie, treci raz vam kažu. Nu čamu vy nie spytajecie-ta? Jaho prymušali, jaho pałochali?»
