Akramia Kastusiova abvinavačanymi ŭ spravie «ab zmovie z metaju zachopu dziaržaŭnaj ułady niekanstytucyjnym šlacham» źjaŭlajucca Alaksandar Fiaduta, Jury Ziankovič dy jašče šaściora asobaŭ.
«11 červienia mnie ŭručyli pastanovu Hieneralnaj prakuratury ab praciahnieńni raśśledavańnia jašče na 4 miesiacy, da 12 kastryčnika 2021 hodu», — napisaŭ u dopisie palityk.
Mieru strymańnia jamu pakinuli biaź źmienaŭ: na hety čas jon zastajecca pad vartaju.
«Nia viedaju, što im treba, bo budu ŭ režymie čakańnia prosta siadzieć», — aburajecca Kastusioŭ. — Bajacca, što ja źbiahu za miažu, abo paŭpłyvaju na chadu śledztva. Absurd dy i tolki. Nia viedaju, što jany chočuć źmianić, bo viny ŭ zmovie ja nie pryznaju. BT interviju nie davaŭ».
Dziaržaŭnyja telekanały pakazvali ŭ efiry frahmenty aperatyŭnaj zdymki, na jakich Kastusioŭ nibyta pryznavaŭ vinu.
U raniejšym listach Ryhor Kastusioŭ pisaŭ, što ŭ raśśledavańni spravy «niama nijakich zruchaŭ, usio zacichła».
Ryhora Kastusiova zatrymali ŭ Škłovie 12 krasavika. U jahonaj kvatery dzieci prykmietaŭ pieratrusu nie zaŭvažyli. Na stale lažała cydułka ź imionami, jak jany miarkujuć, tych, chto jaho zatrymlivaŭ.
U toj ža dzień dačce Halinie śledčy paviedamiŭ, što baćka ŭ Miensku. 13 krasavika na leciščy Haliny i jejnaha muža Dźmitryja aperatyŭniki praviali pieratrus: zabrali kamputary, knihi, nośbity infarmacyi dy strajkbolny aŭtamat. U hetym domie ładzilisia roznyja imprezy z udziełam viadomych u Biełarusi dziejačaŭ kultury i palityki.
