U Biełym domie paviedamili pra śmierć adnaho z sabak Džo Bajdena, niamieckaj aŭčarki Čempa, jaki pražyŭ ź siamjoj Bajdenaŭ 13 hadoŭ, piša CNN.
Čemp pamior u siamiejnym domie Bajdenaŭ u Dełavery.
«Sa škadavańniem paviedamlajem ab tym, što siońnia syšoŭ naš ulubioniec, niamieckaja aŭčarka Čemp. Jon byŭ našym pastajannym darahim kampańjonam apošnija 13 hadoŭ i jaho lubiła ŭsia siamja Bajdenaŭ», — raspaviali Džo Bajden i pieršaja łedzi Džył Bajden u zajavie.
U siamji jość jašče adzin sabaka, Miejdžar, jon dałučyŭsia da siamji na 10 hadoŭ paźniej.
