Najbujniejšy rasijski avijapieravozčyk hruzaŭ — pryvatnaja hrupa «Vołha-Dniepr» (naležyć Alaksieju Isajkinu, jaki zajmaje pasadu jaje prezidenta) — admoviŭsia lotać praź Biełaruś, vynikaje z danych FlightRadar24. «My sapraŭdy vyrašyli časova nie vykarystoŭvać dla palotaŭ svaich samalotaŭ pavietranuju prastoru Biełarusi», — paviedamiŭ RBK pradstaŭnik hrupy «Vołha-Dniepr».
Heta adbyłosia paśla taho, jak ES, Vialikabrytanija i ZŠA ŭviali sankcyi suprać biełaruskich kampanij, uklučajučy pravajdara aeranavihacyjnych pasłuh «Biełaeranavihacyja», a taksama paśla zabarony ŭpraŭleńnia hramadzianskaj avijacyi Vialikabrytanii supracoŭničać z hetym pravajdaram. «Vołha-Dniepr» kirujecca zahadam brytanskich avijaŭładaŭ, tamu što niaŭchilna vykonvaje ŭsie mižnarodnyja praviły, skazała RBK krynica, blizkaja da hrupy. Hałaŭnaja struktura hrupy Volga-Dnepr Logistics b. v. zarehistravanaja ŭ Niderłandach.
