Rašeńnie było pryniata paśla taho, jak na minułym tydni dziaržaŭnaja kamisija pa nadzvyčajnych situacyjach rekamiendavała ŭradu Litvy nie praciahvać karancin, ale zachavać režym nadzvyčajnaj situacyi. Kamisija adznačyła, što kolkaść novych zaražeńniaŭ praciahvaje źnižacca, ale ryzyki zastajucca, u pryvatnaści ŭ suviazi z raspaŭsiudžvańniem bolš zaraznaha štamu Delta, upieršyniu vyjaŭlenaha ŭ Indyi.
Va ŭstanovach handlu i pasłuh i dalej zachavajecca patrabavańnie kantrolu kolkaści naviedvalnikaŭ i zachavańnia inšych mier biaśpieki.
Tak zvany «pašpart mahčymaściaŭ» (jaki pradstaŭlaje bolš svabody vakcynavanym ludziam, a taksama tym, chto pierachvareŭ abo maje admoŭny test) i dalej budzie vykarystoŭvacca na vialikich masavych padziejach, dzie niama fiksavanych siadziačych miescaŭ. Adnak ciapier kolkaść udzielnikaŭ na mierapryjemstvach, dzie patrabujecca pašpart, bolš nie budzie abmiažoŭvacca.
U zakrytych pamiaškańniach mierapryjemstvy buduć mahčymyja z zapaŭnieńniem miescaŭ na 75% i rekamiendujecca vykarystoŭvać maski.
Praviły pierasiačeńnia miažy zastajucca bieź źmienaŭ.
