Biełaruskaje MZS paviedamiła ab tym, što pačynaje realizacyju pracedury prypynieńnia dziejańnia pahadnieńnia ab readmisii ź ES.

«My nie možam vykonvać svaje abaviazacielstvy ŭ ramkach hetaha pahadnieńnia va ŭmovach uviedzienych Jeŭrasajuzam sankcyj i abmiežavańniaŭ <…>. Prypynieńnie dziejańnia pahadnieńnia niehatyŭna adabjecca na ŭzajemadziejańni ź ES u śfiery baraćby ź nielehalnaj mihracyjaj i arhanizavanaj złačynnaściu», — paznačana ŭ paviedamleńni MZS.

Pahadnieńnie ab readmisii adnačasova z pahadnieńniem ab spraščeńni vizavaha režymu było padpisana ŭ 2020 hodzie. Pahadnieńnie ab readmisii ŭstanaviła abaviazacielstvy i pracedury dla dziaržaŭ-členaŭ ES i Biełarusi ŭ dačynieńni da pryjomu nazad na svaju terytoryju svaich hramadzian (a taksama ŭ niekatorych vypadkach zamiežnikaŭ, pierš jakija znachodzilisia abo pražyvali ŭ hetaj dziaržavie), jakija padlahajuć departacyi.

U MZS 28 červienia vyklikali kiraŭnika Pradstaŭnictva ES u Biełarusi Dzirka Šubiela «ŭ suviazi z uviedzienymi Jeŭrapiejskim sajuzam biesprecedentnymi abmiežavalnymi mierami ŭ dačynieńni da Biełarusi».

U chodzie sustrečy pradstaŭniku ES daviali infarmacyju «ab kankretnych krokach u ramkach vymušanaha reahavańnia na dziejańni, jakija pahražajuć nacyjanalnaj biaśpieki Biełarusi i nanosiać pramuju škodu jaje ekanomicy i hramadzianam».

Biełaruś taksama adklikaje dla kansultacyj svajho pastajannaha pradstaŭnika pry ES u Minsk.

Kiraŭniku pradstaŭnictva ES u Biełarusi Šubielu taksama prapanavana vyjechać u Brusel dla kansultacyj, kab davieści svajmu kiraŭnictvu pazicyju biełaruskaha boku ab nieprymalnaści cisku i sankcyj.

U zvarotnym paradku taksama budzie zabaronieny ŭjezd u Biełaruś pradstaŭnikam jeŭrastruktur i asob z krain Jeŭrapiejskaha sajuza, jakija sadziejničali ŭviadzieńniu abmiežavalnych mier.

Biełaruś taksama pačynaje realizacyju pracedury prypynieńnia dziejańnia Pahadnieńnia ab readmisii ź ES.

«My nie možam vykonvać svaje abaviazańni ŭ ramkach hetaha Pahadnieńnia va ŭmovach uviedzienych Jeŭrasajuzam sankcyj i abmiežavańniaŭ. Z hłybokim škadavańniem kanstatujem, što vymušanaje prypynieńnie dziejańnia Pahadnieńnia niehatyŭna adabjecca na ŭzajemadziejańni ź Jeŭrasajuzam u śfiery baraćby ź nielehalnaj mihracyjaj i arhanizavanaj złačynnaściu», — havorycca ŭ zajavie MZS.

Клас
Панылы сорам
Ха-ха
Ого
Сумна
Абуральна