«Spynieńnie pahadnieńnia ab readmisii ź ES — nastupstvy? Biełaruskija ŭłady zajavili, što ŭ adkaz na sankcyi prypyniajuć dziejańnie pahadnieńnia ab readmisii ź ES. Jano tyčycca ŭzajemadziejańnia ŭ śfiery baraćby ź nielehalnaj mihracyjaj.
Prablema ŭ tym, što heta pahadnieńnie idzie ŭ adnym pakiecie z Pahadnieńniem ab spraščeńni vizavaha režymu — tym samym, jakoje ŭstupiła ŭ siłu roŭna hod tamu i dazvoliła pamienšyć košt šenhienskaj vizy z 80 jeŭra da 35 jeŭra, — piša ŭ siabie ŭ fejsbuku analityk Andrej Jelisiejeŭ.
Pa ŭsioj bačnaści, kali ES chutka nie raźviadzie hetyja dva pahadnieńni šlacham pryniaćcia ŭ svaim zakanadaŭstvie vyklučeńnia pa Biełarusi, to ŭ chutkim časie aŭtamatyčna nastupić i zamarozka Pahadnieńnia ab sproščanym vizavym režymie, i tady košt za «Šenhien» znoŭ rezka ŭzraście.
Takim čynam, ES pastaŭleny ŭ niajomkaje stanovišča, bo pryniaćcie padobnaha vyklučeńnia pa Biełarusi moža być časazatratnym i nie prostym. I, jak zvyčajna, svaimi kontrmierami biełaruskija ŭłady stvarajuć prablemy, pierš za ŭsio, biełarusam, čym ES», — napisaŭ jon.
Biełaruś prypyniaje svoj udzieł va Uschodnim partniorstvie i adklikaje pradstaŭnika pry ES
