«Jeŭrasajuz škaduje ab rašeńni režymu Łukašenki prypynić svoj udzieł u prahramie «Uschodniaha partniorstva». Hetaja prahrama nakiravana na ŭmacavańnie adnosin pamiž Jeŭrasajuzam i krainami-partniorami», — zajaviła jana, vykazaŭšy mierkavańnie, što heta rašeńnie «źjaŭlajecca demanstracyjaj pahardy da biełaruskaha naroda».
Pavodle jaje słoŭ, Jeŭrasajuz ličyć zaklik Minska adklikać dla kansultacyj pasła Jeŭrasajuza ź Biełarusi «krokam da samaizalacyi» i zaklikaje zachavać adkrytymi kanały dla kamunikacyi.
«Nastojvajučy, kab kiraŭnik misii ES u Biełarusi byŭ adklikany dla kansultacyj u Brusel, biełaruskija ułady zrabili jašče adzin krok da samaizalacyi, — zajaviła jana. — Zachavańnie kanałaŭ kamunikacyi adkrytymi maje vyrašalnaje značeńnie ŭ momant kryzisu».
U svaju čarhu kiraŭnik jeŭrapiejskaj dypłamatyi Žazep Barel zajaviŭ, što Jeŭrasajuz hatovy praciahvać supracoŭnictva ź biełaruskim narodam.
«Niahledziačy na rašeńnie režymu Łukašenki prypynić udzieł Biełarusi va «Uschodnim partniorstvie», my hatovyja praciahvać pracavać ź biełaruskim narodam dla ŭmacavańnia suviaziaŭ, raźvićcia rehijanalnaha supracoŭnictva i vyrašeńnia ahulnych prablem», — napisaŭ dypłamat.
