U hramadzkaha ruchu «Za Svabodu» zablakavali bankaŭskija rachunki. Heta adbyłosia paśla taho, ja k u papiarednija dni siłaviki prychodzili ź pieratrusami ŭ ofis i ŭ kvatery, u pryvatnaści, da kiraŭnika ruchu Jurasia Hubareviča, piša Svaboda.
«Ja pasprabavaŭ pravieści čarhovuju apłatu arendy ofisu, ale viarnuŭsia dakument z adznakaj, što pieravod anulavany sa spasyłkaj na ŭkaz. Da hetaha času Śledčy kamitet tak i na paviedamiŭ nam, z čym źviazanyja ŭsie hetyja dziejańni ŭ dačynieńni ruchu», — raspavioŭ kiraŭnik arhanizacyi.
27 lipienia stała viadoma, što Viarchoŭny sud ź nieviadomaj pryčyny prypyniŭ razhlad spravy ab likvidacyi ruchu. Hubarevič tady kazaŭ, što Ministerstva justycyi mieła ŭsie nieabchodnyja dakumenty, kab zakryć spravu, adnak nie zachacieła zrabić heta ŭ dasudovym paradku.
Ruch «Za svabodu» byŭ zasnavany eks-kandydatam u prezydenty na vybarach 2006 hodu Alaksandram Milinkievičam.
