Ministr unutranych spraŭ Litvy Ahnie Biłatajte zajaviła, što da kanca hoda ŭ Litvie moža apynucca 10 000 nielehalnych mihrantaŭ — bolš, čym raźličvali dahetul, paviedamlaje Delfi.
«Spačatku my raźličvali, što budzie kala 8 tysiač čałaviek, jakija niezakonna prybyvajuć u Litvu, ale ciapier my bačym, što da kanca hoda heta kolkaść moža być prykmietna bolšaj — da 10 tysiač. U nastupnym hodzie moža być jašče 5 tysiač», — skazała ministr.
U paniadziełak u Miednikach jana abmierkavała pytańni mihracyi ź jeŭrakamisaram pa ŭnutranych spravach Iłvaj Jochansan.
Sioleta miažu ź Litvoj ź Biełarusi pierajšli amal 4000 nielehalnych mihrantaŭ. Heta kolkaść u 40 ź lišnim razoŭ pieravyšaje kolkaść mihrantaŭ za 2020 hod.
