Jašče niekalki čałaviek nie vychodziać na suviaź.

Siarod zatrymanych — trenier pa tryjatłonie Alaksiej Adamovič. U śniežni jamu dali 10 sutak, kali jon na viełasipiedzie viartaŭsia dadomu.

«Zabrali z pracy. Pryvieźli pa miescy prapiski, zrabili vobšuk i pavieźli ŭ KDB. Jon pazvaniŭ mnie adtul, prasiŭ advakata», — raspaviała jaho žonka pra siońniašnija padziei.

«Vobšuki pravodziać pradstaŭniki KDB i SK. Pakul niama infarmacyi, u čym mienavita abvinavačvajuć delehataŭ. Dvaich adpuścili pad padpisku ab nierazhałošvańni», — raskazali «NN» u pres-słužbie «Schodu».

Taksama prajšoŭ pieratrus u byłoha pasła Biełarusi ŭ Słavakii Ihara Laščeni. Raniej byŭ staršynioj «Schodu», ale syšoŭ i apošnim časam nie mieŭ dačynieńnia da arhanizacyi.

Usiaho vobšuki i dopyty prajšli ŭ 23 delehataŭ. Pa stanie na viečar 15 ź ich adpuścili pad padpisku ab nierazhałošvańni. Pa vaśmi pakul niama infarmacyi ab miescaznachodžańni. Heta Ihar Laščenia, Juryj Pisarčuk, Alaksiej Bahuševič, Ivan Bialecki, Pavieł Jakuta, Volha Kazanovič, Halina Katkoŭskaja i Alaksandr Małyšaŭ.

«Schod» — heta virtualnaja płatforma, dzie možna vyłučać svaich pradstaŭnikoŭ, a taksama ich abirać. Płanavałasia, što pradstaŭniki z usioj krainy — 328 čałaviek — zmohuć adstojvać intaresy svaich vybarščykaŭ i ŭdzielničać u nacyjanalnym dyjałohu.

Клас
0
Панылы сорам
0
Ха-ха
0
Ого
0
Сумна
0
Абуральна
0