Novaje škło pakidaje drapiny na ałmazie. Fota National Science Review

Novaje škło pakidaje drapiny na ałmazie. Fota National Science Review

Kamanda navukoŭcaŭ pad kiraŭnictvam supracoŭnikaŭ Jańšańskaha ŭniviersiteta ŭ Kitai pradstavili typ škła pad nazvaj AM-III, zdolny pakidać na ałmazach hłybokija drapiny. Novy materyjał prazrysty i maje žaŭtavataje adcieńnie. Pa škale ćviordaści Vikiersa AM-III dasiahaje pakazčyka 113 hihapaskalaŭ, u toj čas jak ałmazy zvyčajna nabirajuć 50-70 hihapaskalaŭ, piša Daily Mail.

Vučonyja nie źbirajucca vykarystoŭvać novaje škło, kab zamianić ałmazy. Zamiest hetaha, ličać jany, AM-III moža dapamahčy stvarać bolš mocnyja fotaelemienty dla soniečnych panelaŭ, a taksama bolš tryvałyja kulenieprabivalnyja vokny, jakija buduć na 20-100% macniejšyja za ciapierašnija varyjanty.

Kab stvaryć novaje škło, navukoŭcy źmiaścili fuleren — materyjał na bazie vuhlarodu — u ekśpierymientalnuju kamieru i daviali jaho da tempieratury 1200°S pad ciskam 25 hihapaskalaŭ. U takich umovach fuleren moh pieratvarycca ŭ ałmaz, ale dziakujučy tamu, što tempieraturu padymali pastupova, atrymałasia stvaryć vyklučna mocnaje škło.

Клас
0
Панылы сорам
0
Ха-ха
0
Ого
0
Сумна
0
Абуральна
0