Viktar Bruchanaŭ byŭ pryznačany dyrektaram Čarnobylskaj AES jašče da jaje pabudovy, u 1970 hodzie. Spačatku jon uznačalvaŭ budaŭnictva, a zatym ekspłuatacyju stancyi. 26 krasavika 1986 hoda na Čarnobylskaj AES adbyłosia dva vybuchi. U vyniku całkam razburyŭsia reaktar čaćviortaha enierhabłoka stancyi, što pryviało da najbujniejšaj katastrofy za ŭsiu historyju atamnaj enierhietyki.
U tym ža hodzie Bruchanava i jašče piaciarych čałaviek aryštavali i sudzili.
Jon atrymaŭ 10 hadoŭ pazbaŭleńnia voli. U Bruchanava była invalidnaść druhoj hrupy. Da 1991 hoda jon adbyvaŭ pakarańnie ŭ kałonii Łuhanskaj vobłaści, dzie pracavaŭ ślesaram u kacielni.
Fota pres-słužby Čarnobylskaj AES
Z turmy Bruchanaŭ vyjšaŭ u 1991 hodzie i pajechaŭ u Čarnobyl, dzie jamu prapanavali miesca načalnika techadździeła. U 1995 hodzie ministr enierhietyki Ukrainy Alaksiej Makušyn zaprasiŭ jaho na pasadu namieśnika načalnika abjadnańnia «Interenierha». Bruchanaŭ zajmaŭsia damovami na pastaŭku elektraenierhii za miažu, pabyvaŭ u kamandziroŭkach u Vienhryi, Japonii i Hiermanii. Vyjšaŭ na piensiju tolki ŭ 72 hady praz paharšeńnie zroku.
