Stała viadoma, što prakurory Jaŭhien Fartušniak i Kirył Vyšniakoŭ zaprasili pakarańnie palitviaźniam: dla pravaabaroncaŭ Leanida Sudalenki i Taćciany Łasicy — try hady pazbaŭleńnia voli, Maryi Tarasienka — dva z pałovaj hoda kałonii. Maryja znachodzicca pad padpiskaj ab niavyjeździe, a Leanid i Taćciana — pad vartaj z 18 i 21 studzienia adpaviedna. Prysud budzie abvieščany sudździoj Siarhiejem Sałoŭskim u chutkim časie.
Leanid Sudalenka, Taćciana Łasica i Maryja Tarasienka
Leanid Sudalenka z-za krataŭ raspavioŭ «Viaśnie», što adbyvajecca na zakrytym sudzie.
Usiaho pa kryminalnaj spravie było dapytana kala 200 čałaviek. Pa infarmacyi Leanida, na sudzie byŭ dapytany 61 čałaviek — u asnoŭnym heta klijenty, jakija źviartalisia da pravaabaroncy pa pravavuju dapamohu:
«Usie śviedki ŭ sudzie skazali praŭdu, i heta hałoŭnaje. Pryjemna čuć, jak ludzi, jakija prychodziać u sud pa pozvach, kažuć «dziakuj», źviartajučysia da mianie ŭ kletku. I heta niahledziačy na zaŭvahi suda».
